უკრაინის პრეზიდენტი ვლადიმირ ზელენსკი იაპონიაში თავის გერმანელ კოლეგას, ფრანკ-ვალტერ შტაინმაიერს შეხვდა, სადაც დონბასში არსებული ვითარება განიხილეს.
„დონბასში მშვიდობის მიღწევა და სისხლისღვრის დასრულება ჩემთვის და ჩემი გუნდის აბსოლუტური პრიორიტეტია”, - განაცხადა ზელენსკიმ.
უკრაინული მედიის ცნობით, ორი ლიდერი შეთანხმდნენ ნორმანდიის ფორმატზე, როგორც უკრაინის აღმოსავლეთში რუსული აგრესიის შეჩერების გასაღებზე. ზელენსკის თქმით, უკრაინამ შეასრულა მის წინაშე არსებული ყველა ვალდებულება „ნორმანდიული ოთხეულის“ შეხვედრის გასამართავად.
შეგახსენებთ, ცოტა ხნის წინ, უკრაინა „შტაინმაიერის ფორმულას“ დათანხმდა, რომელიც დონბასისთვის სპეციალური სტატუსის მინიჭებას ითვალიწინებს.