ნუ გამითამამდებით, გირჩევნიათ, - ასე მიმართა დამოუკიდებელმა დეპუტატმა ბესელიამ იურიდიულ საკითხთა კომიტეტის თავმჯდომარის მოადგილე, დავით მათიკაშვილს იურიდიულ საკითხთა კომიტეტის სხდომაზე, სადაც უზენაესი სასამართლოს მოსამართლეობის კანდიდატს, პაატა სილაგაძეს უსმენენ.
ეკა ბესელიას პროცედურულ საკითხთან დაკავშირებით განცხადების გაკეთება სურდა, რა დროსაც მას სხდომის წამყვანმა დავით მათიკაშვილმა მიმართა და აღნიშნა, რომ თუ პროცედურულ საკითხებზე აკეთებდა განცხადებას, ხელი აეწია და ნებართვას მიიღებდა, რაზეც ეკა ბესელიამ უპასუხა: „რა ვქნა?! -ეს რეგლამენტში გიწერიათ?
ეკა ბესელიას განცხადებას დავით მათიკაშვილის შემდეგი რეპლიკა მოჰყვა: „სხვათაშორის, თქვენგან ვისწავლე, როცა კომიტეტის თავმჯდომარე იყავით”, რასაც ეკა ბესელიას პასუხი მოჰყვა, რომ „მათიკაშვილმა ცუდად ისწავლა ის, რაც ასწავლა“.
მათიკაშვილმა ბესელიას კორექტურობისკენ მოუწოდა, საბოლოოდ ეკა ბესელიამ პროცედურასთან დაკავშირებით განცხადება გააკეთა, რომელიც ფრაქციებისთვის დროის გამოყოფის საკითხს ეხებოდა.