პაატა სილაგაძე ბესელიას - ქალბატონო ეკა, სუბიექტური ბრძანდებით, თქვენ არც ერთ კითხვაზე პასუხს არ გაგცემთ

უზენაესი სასამართლოს მოსამართლეობის კანდიდატი პაატა სილაგაძე დამოუკიდებელი დეპუტატის ეკა ბესელიას მიერ დასმულ კითხვებზე პასუხის გაცემაზე უარს ამბობს.

იურიდიულ საკითხთა კომიტეტის სხდომაზე უზენაესი სასამართლოს მოსამართლეობის კანდიდატის პაატა სილაგაძის მოსმენა მიმდინარეობს. როგორც სილაგაძემ აღნიშნა, ეკა ბესელია მასთან მიმართებაში ობიექტური ვერასოდეს იქნება. დეპუტატმა მოსამართლეობის კანდიდატს კითხვა წარსულ საქმიანობაზე დაუსვა და დაინტერესდა, რატომ არ აქვს მას გამოტანილი 2012 წლამდე პერიოდში არც ერთი გამამართლებელი განაჩენი.

„სუბიექტური ბრძანდებით ქალბატონო ეკა. თქვენ არც ერთ კითხვაზე არ გაგცემთ პასუხს, იმიტომ, რომ თქვენი პოზიცია დაფიქსირებული გაქვთ წინასწარ ჩემთან მიმართებაში. თქვენი შესავალი სიტყვაც მაძლევს იმის საფუძველს ვთქვა, რომ თქვენ ჩემთან მიმართებაში ობიექტური ვერ იქნებით ვერასდროს“, - განაცხადა სილაგაძემ.

ამის პასუხად დეპუტატმა ეკა ბესელიამ განაცხადა. რომ ის მოსამართლეობის კანდიდატს კითხვას არ დაუსვამდა და მხოლოდ საკუთარ მოსაზრებას დააფიქსირებდა, რომლითაც გამოჩნდება, რომ პაატა სილაგაძის კომპეტენცია დაბალი და შეუსაბამოა უზენაესი სასამართლოს მოსამართლისთვის.

ეკატერინე ციმაკურიძე - განსაკუთრებული პრობლემაა ხელისუფლების მცდელობები თავი აარიდოს 19 აპრილის შეთანხმების ისე შესრულებას, როგორც ეს თავად ამ შეთანხმებითაა ნაგულისხმევი
ქართული პრესის მიმოხილვა 24.06.2021
სტეპან გრიგორიანი - ფაშინიანმა არჩევნები იმის გამო მოიგო, რომ სომეხმა ხალხმა ყარაბაღის ომში დამარცხება მას არ დაუკავშირა
„მაკდონალდსის“ ინვესტიციით საქართველოში პურ-ფუნთუშეულის საწარმო „ბრედფილდი“ იხსნება
ჭარბი წონა მსოფლიოში არა მხოლოდ პრობლემა,  დიდი ხანია, პანდემიაა (R)
"თბილისის ბალნეოლოგიურ კურორტში“ კონფერენცია „კურორტოლოგიის როლი მედიცინაში“ გაიმართა