საქართველოს პრეზიდენტმა სალომე ზურაბიშვილმა სომხეთის პრეზიდენტ არმენ სარქისიანთან ტოკიოში შეხვედრისას ქვეყნებს შორის ორმხრივი ურთიერთობები განიხილა.

როგორც „ინტერპრესნიუსს“ პრეზიდენტის ადმინიტრაციიდან აცნობეს, საუბარი შეეხო რეგიონში არსებულ ვითარებასა და სავაჭრო-ეკონომიკური ურთიერთობების გაძლიერებას, ასევე კულტურულ თანამშრომლობას. პრეზიდენტებმა განიხილეს თანამშრომლობის საკითხები ტექნოლოგიების, სურსათის უვნებლობის, ტრანსპორტისა და ინფრასტრუქტურის მიმართულებით.