სირიის ხელისუფლება თურქეთის საზღვართან 15 საგუშაგოს განათავსებს. ინფორმაციას „ინტერფაქსი“ რუსეთის თავდაცვის სამინისტროზე დაყრდნობით ავრცელებს.
გამოცემის ცნობით, საგუშაგოების განთავსებას, რუსეთისა და თურქეთის პრეზიდენტებს შორის სამშაბათს გაფორმებული 10-პუნქტიანი ხელშეკრულება ითვალისწინებს.
ამასთან, ცოტა ხნის წინ ცნობილი გახდა, რომ რუსეთის სამხედრო პოლიცია ჩრდილოეთ სირიაში უკვე გამოჩნდა. რუსეთის თავდაცვის სამინისტროს ცნობით, სამხედრო პოლიცია ხელს შეწყობს ქურთული ძალების რეგიონიდან გაყვანას.