„ჯორჯიან მანგანეზმა“ ახალი თაობის ორი თბომავალი შეიძინა

ჭიათურაში ეკოლოგიური ვითარების გაუმჯობესებაზე ზრუნვის ფარგლებში, “ჯორჯიან მანგანეზმა” ტექნიკურ გადაიარაღებაში კიდევ ერთი მსხვილი ინვესტიცია განახორციელა, - კომპანიამ ახალი თაობის TEM-2 და TEM-2-U ტიპის, 814 ცხენის ძალის მქონე ორი თბომავალი შეიძინა, - აღნიშნულ ინფორმაციას „ჯორჯიან მანგანეზი“ ავრცელებს.

როგორც „ჯორჯიან მანგანეზის“ ადმინისტრაციულმა დირექტორმა თემურ ხონელიამ განაცხადა, „თბომავლები საქართველოში უახლოეს მომავალში ჩამოვა“.

„მაღაროებში მოპოვებული მადანი, თბომავლების მეშვეობით შემკრებ მოედანზე გადაიზიდება, საიდანაც მისი ტრანსპორტირება ზესტაფონისა და სხვა გადამამუშავებელი ქარხნებისკენ ელმავლების საშუალებით მოხდება. ამ სქემით “ჯორჯიან მანგანეზმა” მიმდინარე წლის 1 სექტემბრიდან ჭიათურის ცენტრალურ უბნებში მადნის სატვირთო მანქანებით გადაზიდვის პრაქტიკა აღკვეთა, რაც ქალაქის დამტვერიანებას იწვევდა. გარდა ამისა, “ჯორჯიან მანგანეზმა უახლესი ევროპული ტექნიკით აღჭურვა ჭიათურის დასუფთავების სამსახური, რამაც ქალაქში სისუფთავე უნდა უზრუნველყოს.

თბომავლების მომწოდებელ კომპანიასა და „ჯორჯიან მანგანეზის“ ადმინისტრაციას შორის მოლაპარაკება სამი თვე გაგრძელდა და საბოლოო შეთანხმებით დასრულდა, - თბომავლები საქართველოში უახლოეს მომავალში ჩამოვა. ამ ეტაპზე, „ჯორჯიან მანგანეზის“ სარგებლობაში დიზელის საწვავზე მომუშავე სამი თბომავალი ირიცხება. ორი კომპანიის საკუთრებაა, ერთი კი საქართველოს რკინიგზას ეკუთვნის, თუმცა, ქირავნობის საფუძველზე, დროებით „ჯორჯიან მანგანეზის“ სარგებლობაშია. მათგან ერთ-ერთი თბომავალი, რომელიც დაახლოებით 80-იან წლებშია შეძენილი, მოძველდა და კაპიტალურ შეკეთება-განახლებას საჭიროებს. კომპანიამ ტექნიკური რესურსის განახლების გადაწყვეტილება სწორედ ამიტომ მიიღო. მინდა, აღვნიშნო, რომ შეძენილი თბომავლები სრულად პასუხობს სარკინიგზო გადაადგილებისთვის კომპანიის მიერ დასახულ ამოცანებს, და მათი ტექნიკური ინსპექტირებაც წარმატებით განხორციელდა“,- განაცხადა თემურ ხონელიამ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს