იუსტიციის საბჭომ საპროკურორო საბჭოს წევრობისთვის ირაკლი შენგელიას და რევაზ ნადარაიას კანდიდატურები დაასახელა

იუსტიციის უმაღლესმა საბჭომ საპროკურორო საბჭოს წევრობისთვის ორი მოსამართლის: ირაკლი შენგელიას და რევაზ ნადარაიას კანდიდატურა დაასახელა. როგორც იუსტიციის უმაღლესი საბჭოს მდივანმა გიორგი მიქაუტაძემ სხდომაზე კანდიდატების დასახელებისას განაცხადა, რომ გათვალისწინებულია 2 წევრი, რომლებიც იუსტიციის უმაღლესმა საბჭომ უნდა აირჩიოს საერთო სასამართლოების იმ მოსამართლეთაგან, რომლებსაც აქვთ მოსამართლედ მუშაობის არანაკლებ 5 წლის გამოცდილება.

მისივე განმარტებით, რეგლამენტის თანახმად აღნიშნული გადაწყვეტილებას იღება იუსტიციის უმაღლესი საბჭო წევრების 2/3-ის მხარდაჭერით. შესაბამისად,საბჭოს წევრებმა აღნიშნული კანდიდატების წარდგენას მხარი დაუჭირეს.

საპროკურორო საბჭოს მხარდაჭერის შემთხვევაში კი, რევაზ ნადარაია და ირაკლი შენგელია საპროკურორო საბჭოს შემადგენლობაში 4 წლის ვადით განახორციელებენ უფლებამოსილებას.

შეგახსენებთ, რომ საპროკურორო საბჭოში მოსამართლეთა ახალი კანდიდატურის წარდგენის აუცილებლობა იქიდან გამომდინარე დადგა, რომ საბჭოს ორ მოსამართლე წევრებს: ვასილ მშვენიერაძეს და სერგო მეთოფიშვილს საპროკურორო საბჭოში უფლებამოსილების ვადა 25 ნოემბერს ეწურებათ.

საპროკურორო საბჭოს შემადგენლობაში სულ 15 არჩეული წევრია, მათ შორის, 8 პროკურორია. საბჭოს 8 პროკურორ წევრს ფარული კენჭისყრით ირჩევს საქართველოს პროკურორთა კონფერენცია.

თეა გოგოტიშვილი - სიფრთხილის და გონივრულობის გარდა გადარჩენის გზა არ გვაქვს
ქართული პრესის მიმოხილვა 02.12.2020
ვის ჩაუტარდება კლინიკა „ნიუმედში“ Covid 19-ის სწრაფი ტესტირება, მათ შორის ანტიგენზე დაფუძნებული ტესტით და D-დიმერის კვლევა უფასოდ? - ინტერვიუ კლინიკის დირექტორ ნათია ბულაცაშვილთან
კატარის ავიახაზები 15 დეკემბრიდან მე-5 ახალ მიმართულებას ამატებს სან ფრანცისკოს მიმართულებით და კიდევ უფრო აფართოებს ამერიკის შეერთებული შტატების ქსელს
გრიპის საწინააღმდეგო ვაქცინაცია კომპანია “GM Pharma”-ში
ლივომ უძრავი ქონების ყიდვა-გაყიდვის პროცესის გამარტივებისთვის სერვისების 80% გააციფრულა