საქართველოსა და პოლონეთის თავდაცვის მინისტრებს შორის შეხვედრა გაიმართა

საქართველოსა და პოლონეთის თავდაცვის უწყებებს შორის თანამშრომლობა, ნატო-საქართველოს არსებითი პაკეტის (SNGP) წარმატებული იმპლემენტაცია და განვითარების პერსპექტივები, ასევე პოლონელი სამხედროების აქტიური მონაწილეობა საქართველოში გამართულ მრავალეროვნულ სწავლებებში - ის საკითხები იყო, რაზეც საქართველოსა და პოლონეთის რესპუბლიკის თავდაცვის მინისტრებმა ბრიუსელში, ნატოს თავდაცვის მინისტერიალის ფარგლებში გამართულ ორმხრივ შეხვედრაზე ისაუბრეს.

როგორც „ინტერპრესნიუსს“ თავდაცვის სამინისტროდან აცნობეს, ირაკლი ღარიბაშვილმა საქართველოს სუვერენიტეტისა და ტერიტორიული მთლიანობისთვის, ასევე ევროატლანტიკურ სტრუქტურებში ინტეგრაციის გზაზე პოლონეთის მთავრობის მხარდაჭერისთვის კოლეგას - მარიუშ ბლაშჩაკს მადლობა გადაუხადა. როგორც ირაკლი ღარიბაშვილმა აღნიშნა, საქართველოს თავდაცვის უწყება განაგრძობს თავდაცვის ტრანსფორმაციას, რაც ნატოსთან ურთიერთთავსებადობის გაზრდასა და თავდაცვითი შესაძლებლობების გაძლიერებას ისახავს მიზნად. მისივე თქმით, ქართული მხარე ნატოსთან ერთად SNGP-ის განვითარებაზე მუშაობს, რომელიც კონცენტრირებული იქნება მეტ დინამიკურ, მიზნობრივ და ჰიბრიდულ მიდგომაზე. ეს ყველაფერი კი საქართველოს თავდაცვის მზადყოფნის შესაძლებლობების განვითარებას ემსახურება.

„მინისტრები ორმხრივი თანამშრომლობის მიმართულებების განსახილველად უახლოეს მომავალში შეხვედრაზეც შეთანხმდნენ. საუბრის დასასრულს საქართველოს თავდაცვის მინისტრმა კოლეგას პოლონეთის საელჩოს, როგორც ნატოს საკონტაქტო საელჩოს საქართველოში, აქტიურობისა და ეფექტური საქმიანობისთვის მადლობა გადაუხადა“, - ნათქვამია სამინისტროს მიერ გავრცელებულ ინფორმაციაში.

ზვიად კირტავა - მთავარი მიზანი მაინც არის ინფიცირების ჯაჭვის გაწყვეტა და შემთხვევების შემცირება, ამის მიღწევის გარეშე საწოლების და პერსონალის კიდევ გაზრდაც ვერ აგვაცილებს ჯანდაცვის სისტემის გადატვირთვას
ქართული პრესის მიმოხილვა 04.12.2020
ვანო მაჭავარიანი - თუ ხელისუფლება და ოპოზიცია კოალიციური მმართველობის რაღაც ფორმაზე არ შეთანხმდნენ, ეს საქართველოსთვის უკეთესი პერსპექტივის ხელიდან გაშვებული შესაძლებლობა იქნება
საახალწლო შეთავაზება მრავალფუნქციური კომპლექსისგან "მოედანი"
ზოომარტი ექსკლუზიურად Wolt-ზე
თანამედროვე, მარტივი და უსაფრთხო ახალი ინტერნეტბანკინგი "პროკრედიტ ბანკის" მომხმარებლებისთვის