რუსეთის თავდაცვის სამინისტრო აცხადებს, რომ „ისლამური სახელმწიფოს“ ლიდერის აბუ ბაქრ ალ-ბაღდადის „კიდევ ერთი“ ლიკვიდაციის შესახებ სარწმუნო ინფორმაციას არ ფლობენ, - ამის შესახებ სააგენტო „როიტერსი“ რუსულ მედიაზე დატრდნობით იუწყება.
„რუსეთის თავდაცვის სამინისტრო არ ფლობს სარწმუნო ინფორმაციას ამერიკელი სამხედროების მიერ იდლიბის დეესკალაციის ზონაში „ისლამური სახელმწიფოს“ ყოფილი ლიდერის აბუ ბაქრ ალ-ბაღდადის კიდევ ერთი „ლიკვიდაციის“ მიზნით ჩატარებული ოპერაციის შესახებ,“ - განაცხადა რუსეთის თავდაცვის სამინისტროს წარმომადგენელმა გენერალ-მაიორმა იგორ კონაშენკომ.
შეგახსენებთ, აშშ-ის პრეზიდენტმა დონალდ ტრამპმა გუშინ განაცხადა, რომ ამერიკელი სამხედროების მიერ სირიაში ჩატარებული სპეცოპერაციის დროს „ისლამური სახელმწიფოს“ ლიდერი აბუ ბაქრ ალ-ბაღდადი დაიღუპა. ტრამპის ინფორმაციით, ბაღდადმა გაქცევის დროს თავი „ შაჰიდის ქამრით“ აიფეთქა.