თურქეთის ელჩი ახმედ ჩატაევზე - თურქეთი ებრძვის რამდენიმე ტერორისტულ ორგანიზაციას, რა გავაკეთოთ, ყველა უცხოელს თითო კაცი მივუჩინოთ?

თურქეთი ერთდროულად ებრძვის რამდენიმე ტერორისტულ ორგანიზაციას: გულენისტებს (FETO), PKK-ს და PYD-ს. წარმოიდგინეთ, რა მასშტაბთან გვაქვს საქმე? რა გავაკეთოთ, ყველა უცხოელს თითო კაცი მივუჩინოთ? - ასე პასუხობს „კვირის პალიტრასთან“ ინტერვიუში თურქეთის ელჩი საქართველოში ახმედ ჩატაევის თურქეთში ყოფნაზე დასმულ კითხვას. ფატმა ჯერენ იაზგანი აღნიშნავს, რომ ის არ ფლობს ინფორმაციას იმის თაობაზე, რომ ახმედ ჩატაევი საქართველოში ჩამოსვლამდე, 6 თვის განმავლობაში თურქეთში, კერძოდ იზმითში ცხოვრობდა.

„ჯერ ერთი, არა მაქვს ინფორმაცია, რომ ჩატაევი იზმითში ცხოვრობდა. როგორც ვიცი, მას რამდენიმე ევროპულ ქვეყანაში ჰქონდა დოკუმენტები მიღებული. მეორე - თურქეთი ერთდროულად ებრძვის რამდენიმე ტერორისტულ ორგანიზაციას: გულენისტებს (FETO), PKK-ს და PYD-ს. წარმოიდგინეთ, რა მასშტაბთან გვაქვს საქმე? რა გავაკეთოთ, ყველა უცხოელს თითო კაცი მივუჩინოთ?“, - აღნიშნავს თურქეთის ელჩი.

ჟურნალისტის კითხვაზე, რომ „ჩატაევს თურქეთის სპეცსამსახურებიც ეძებდნენ, ვინაიდან ის სტამბოლში კლუბში მომხდარი ტერაქტის ორგანიზებაშია ეჭვმიტანილი და გარდა ამისა ჩატაევი მსოფლიოს საშიშ ტერორისტთა სიაშიც შეიყვანეს“, ფატმა ჯერენ იაზგანმა განაცხადა, რომ თურქეთს არ ჰქონდა ინფორმაცია ჩატაევის კვაშირზე, რომელიმე ტერაქტთან. ამასთან, თურქეთის ელჩი ხაზს უსვამს, რომ ტერორიზმთან ბრძოლის ფარგლებში თურქეთს მეზობელი მეგობარი ქვეყნებისთვის არასოდეს დაუმალავს ინფორმაცია ამა თუ იმ პირების შესახებ და არასდროს უმოქმედია მათი ინტერესების საზიანოდ, განსაკუთრებით საქართველოს მიმართ.

„ჩვენ არ გვქონდა ინფორმაცია, რომ ჩატაევი კავშირში იყო რომელიმე ტერაქტთან, მაგრამ შეიძლება მისი სახელი საქართველოსა და მსოფლიოსთვისაც მნიშვნელოვანია. კლუბში ტერაქტის ჩამდენი პირი დავადგინეთ - ის ჯერ ავღანეთიდან ჩამოვიდა ირანში და იქიდან არალეგალურად მოხვდა თურქეთში. ამ ადამიანზე ინფორმაცია იყო დსთ-ის რამდენიმე ქვეყნის მონაცემთა ბაზაში. ჩვენ ის აქ მხოლოდ ტერაქტის შემდეგ აღმოვაჩინეთ, მანამდე მასზე არაფერი ვიცოდი. მინდა გითხრათ, რომ ტერორიზმთან ბრძოლის ფარგლებში თურქეთს მეზობელი მეგობარი ქვეყნებისთვის არასოდეს დაუმალავს ინფორმაცია ამა თუ იმ პირების შესახებ და არასდროს უმოქმედია მათი ინტერესების საზიანოდ, განსაკუთრებით საქართველოს მიმართ, რადგან თქვენი უსაფრთხოება ჩვენთვის უმნიშვნელოვანესია! სადაზვერვო ინფორმაცია, რომელსაც ქართული მხარე მიიღებს და გადასცემს თურქეთს, რეაგირების გარეშე არ დარჩება. ამაში მინდა დარწმუნებული იყოთ!“, - განაცხადა თურქეთის ელჩმა საქართველოში ფატმა ჯერენ იაზგანმა.

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 20.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
„კასტელო მარე“ ზაფხულის წარმატებული სეზონის შემდეგ საშემოდგომო სეზონისთვის ემზადება
„უმალი“ გაყინული თევზის ბაზარზე შესვლას გეგმავს
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს