კახა კალაძე - მგონია, რომ პარტია "ქართული ოცნება“ ერთადერთი ძალაა, რომელსაც შანსი აქვს არჩევნები მოიგოს და კოალიციის გარეშე მოახერხოს მთავრობის ჩამოყალიბება

მგონია, რომ პარტია "ქართული ოცნება“ -დემოკრატიული საქართველო" არის ერთადერთი ძალა, რომელსაც აქვს რეალური შანსი არჩევნები მოიგოს და მთავრობის ჩამოყალიბება მოახერხოს კოალიციის გარეშე, - ამის შესახებ ჟურნალისტებს თბილისის მერმა კახა კალაძემ განუცხადა. როგორც კალაძემ აღნიშნა, ვინ შევა პარლამენტში, ეს საზოგადოების გადასაწყვეტია.

„მე არ ვიცი რაზე საუბრობდა თამარ ჩუგოშვილი. ვინ იქნება 2020 წლის პარლამენტში და ვინ რა რაოდენობით შემოვა, ეს არის დამოკიდებული მხოლოდ და მხოლოდ ჩვენი ქვეყნის მოსახლეობაზე. შესაბამისად, წინასწარ იმაზე საუბარი, რომ ეს პარტია ამდენ ადამიანს შეიყვანს, ის პარტია - იმდენს, რთულია. საკმაოდ საინტერესო არჩევნები იქნება, თუმცა, მგონია, რომ პარტია "ქართული ოცნება“ - დემოკრატიული საქართველო" არის ერთადერთი ძალა, რომელსაც აქვს რეალური შანსი არჩევნები მოიგოს და მთავრობის ჩამოყალიბება მოახერხოს კოალიციის გარეშე. გუშინდელი არჩევნებიც ცხადყოფს, რომ საზოგადოებაში ყველაზე მეტი მხარდაჭერა პარტია "ქართულ ოცნებას" აქვს. არავინ არ იცის როგორ მოხდება პარლამენტის დაკომპლექტება. თუ რომელი პარტიები შევა. როგორც იცით, ცვლილებები ხორციელდება და ბევრი პარტიას ექნება შესაძლებლობა მხარდაჭერის მოპოვების შემთხვევაში პარლამენტში ვიხილოთ. შესაბამისად, დაველოდოთ. წინასწარ შეფასებების და განცხადებების გაკეთება რთულია",- განაცხადა კალაძემ.

ზვიად კირტავა - მთავარი მიზანი მაინც არის ინფიცირების ჯაჭვის გაწყვეტა და შემთხვევების შემცირება, ამის მიღწევის გარეშე საწოლების და პერსონალის კიდევ გაზრდაც ვერ აგვაცილებს ჯანდაცვის სისტემის გადატვირთვას
ქართული პრესის მიმოხილვა 04.12.2020
ვანო მაჭავარიანი - თუ ხელისუფლება და ოპოზიცია კოალიციური მმართველობის რაღაც ფორმაზე არ შეთანხმდნენ, ეს საქართველოსთვის უკეთესი პერსპექტივის ხელიდან გაშვებული შესაძლებლობა იქნება
საახალწლო შეთავაზება მრავალფუნქციური კომპლექსისგან "მოედანი"
ზოომარტი ექსკლუზიურად Wolt-ზე
თანამედროვე, მარტივი და უსაფრთხო ახალი ინტერნეტბანკინგი "პროკრედიტ ბანკის" მომხმარებლებისთვის