ბოდბელი მთავარეპისკოპოსი, მეუფე იაკობი აცხადებს, რომ საპატრიარქოში შეხვედრა უშუალოდ მასსა და პატრიარქს შორის შედგა.

ამასთან, მეუფე იაკობი შეხვედრის დეტალებზე არ საუბრობს და აცხადებს, რომ „ორი ადამიანის საუბარი პრივატულად რჩება“.

ჟურნალისტის კითხვაზე, რა რეაქცია ჰქონდა პატრიარქს მეუფე იაკობის მიერ უწმაწური სიტყვების გამოყენებასთან დაკავშირებით, მეუფემ შემდეგნაირად უპასუხა: “აბსოლუტურად მრევლს და ერს ყველას კიდევ ერთხელ გეუბნებით, რომ შენდობას ვითხოვ ასეთი სახით საუბრისთვის“.

შეგახსენებთ, როგორც მეუფე იაკობმა რამდენიმე წუთის წინ ჟურნალისტებთან,საპატრიარქოს დატოვების შემდეგ განაცხადა, ის პატრიარქის ქორეპისკოპოსის თანამდებობას ტოვებს.

„მივიღე გადაწყვეტილება და გადავდექი ქორეპისკოპოსობიდან და საფინანსო-ეკონომიკური საბჭოს თავმჯდომარეობიდან. ოღონდ მე გადავდექი. ეს ჩემი პირადი გადაწყვეტილებაა. ვრჩები ეპარქიაში,“ - აღნიშა მეუფე იაკობმა.