საქართველოს ფინანსთა სამინისტროს საგამოძიებო სამსახურის უფროსი სოსო რამიშვილი სახელმწიფო ინსპექტორს, ლონდა თოლორაიას შეხვდა,- ამის შესახებ „ინტერპრესნიუსს“ საქართველოს ფინანსთა სამინისტროს საგამოძიებო სამსახურიდან აცნობეს.

უწყების ცნობით, სოსო რამიშვილმა სტუმარს საგამოძიებო საქმიანობის კონკრეტული მიმართულებები გააცნო, ესაუბრა საგამოძიებო სამსახურის სამართლებრივ საფუძვლებსა და უწყების ორგანიზაციული მოწყობის თაობაზე.

„ლონდა თოლორაიამ საგამოძიებო სამსახურის უფროსს სახელმწიფო ინსპექტორის სამსახურის საქმიანობა, პრიორიტეტები და ძირითადი მიმართულებები გააცნო.

მხარეთა მიერ ხაზი გაესვა ურთიერთთანამშრომლობის მნიშვნელობას და გამოითქვა სრული მზადყოფნა კოორდინირებული მოქმედებებისათვის.

შეხვედრას ესწრებოდნენ: ფინანსთა სამინისტროს საგამოძიებო სამსახურის უფროსის მოადგილეები ვახტანგ ფარესიშვილი, იგა ზაალიშვილი, ვაჟა ფანოზიშვილი და მირიან მჭედლიშვილი,“-აცხადებენ უწყებაში.