„იმედის“ იურიდიული განყოფილების უფროსი - „იმედსა“ და „მაესტროზე“ სავარაუდოდ, კიბერთავდასხმა განხორციელდა - „იმედის“ მაუწყებლობა უკვე აღდგა, ხოლო „მაესტროსი“ ჯერ არა

ტელეკომპანია „იმედის“ იურიდიული განყოფილების უფროსის, ანდრო ლაშხის განცხადებით, „იმედსა“ და „მაესტროზე“, სავარაუდოდ, კიბერთავდასხმა განხორციელდა. როგორც ანდრო ლაშხმა „ინტერპრესნიუსს“ განუცხადა, „იმედის“ მაუწყებლობა უკვე აღდგა, ხოლო „მაესტროსი“ ჯერ არა.

„რამდენადაც ჩემთვის ცნობილია, ამ საქმეზე გამოძიება დაწყებულია, რომლის დეტალებზე მე ვერ ვისაუბრებ, შსს-ს უნდა ჰკითხოთ. „იმედის“ მაუწყებლობა უკვე აღდგა, ხოლო „მაესტროსი“ ჯერ არა და ვერ გეტყვით, ზუსტად როდის აღდგება. ძვირადღირებული ტექნიკაა დაზიანებული. სისტემა სრულად აღმდგარი არაა, ამიტომ შეფერხებებით ვმუშაობთ. ამ მომენტისთვის სხვა ინფორმაცია არ მაქვს“, - განაცხადა ლაშხმა.

შეგახსენებთ, რომ ტელეკომპანია „იმედსა“ და „მაესტროზე“, სავარაუდოდ, კიბერშეტევა დღეს განხორციელდა. ამას გარდა, დღეს კიბერშეტევა განხორციელდა რამდენიმე სამთავრობო და კერძო ვებგვერდზე: ოფიციალურ გვერდებზე ჰაკერებმა მიხეილ სააკაშვილის ფოტო გამოაქვეყნეს წარწერით "I'll be Back" ("დავბრუნდები").

მიხეილ კალანდია - თამამად შემიძლია ვთქვა, რომ 19 წლის ასაკში პოლიტიკური პატიმარი ვარ
ქართული პრესის მიმოხილვა 20.11.2019
დავით უსუფაშვილი - „გერმანული მოდელი“ სწორედ იმიტომ იქნა შერჩეული, რომ იგი ყველაზე ადეკვატური კონტრნაბიჯია, რათა პროცესები კონტროლიდან არ გამოვიდეს
სოფლის მეურნეობის განვითარების გეგმები და შესაძლებლობები - კონფერენცია "ექსპოჯორჯიაში" გაიმართება
დიდი ხანია ემზადები შავი პარასკევისთვის?! (R)
BCard - "ემბისის" ბიზნეს ბარათი მცირე ფერმერებისა და მიკრო მეწარმეებისთვის
უნიმანია "უნიქარდისგან" - ექსკლუზიური შეთავაზება მინიმალური ქულებით (R)