ადამიანის უფლებათა კომიტეტის სხდომაზე ხმაური იყო

ადამიანის უფლებათა კომიტეტის სხდომაზე ხმაური იყო. დაპირისპირება მოძრაობა „შეცვალეს“ წარმომადგენლების კითხვებმა გამოიწვია, რომელიც 20 ივნისის მოვლენებს, ამ მოვლენების შემდეგ დაკავებულ აქციის მონაწილეებს, დაზარალებულის სტატუსის მინიჭებას და ემზარ კვიციანთან დაკავშირებულ ინციდენტს შეეხებოდა.

ადამინის უფლებათა კომიტეტის თავმჯდომარემ განაცხადა, რომ როცა საუბარია 20 ივნისზე და ძალის გადამეტებაზე, რა თქმა უნდა, არის ადამინის უფლებების დარღვევის ფაქტებიც. სოფიო კილაძის თქმით, მისი სურვილია დაზარალებულებს მოკლე ვადაში მიენიჭოთ შესაბამისი სტატუსი. მან ასევე განაცხადა, რომ 20 ივნისის მოვლენებთან დაკავშირებით არა მხოლოდ მოქალაქეები, არამედ სამართალდამცავებიც დააკავეს, რაზეც „შეცვალეს“ წარმომადგენლებმა და „ევროპული საქართველოს“ წევრმა ელენე ხოშტარიამ განაცხადეს, რომ სოფიო კილაძეს საზოგადოება შეცდომაში შეჰყავს, რადგან აღნიშნული სამართალდამცველები, აქციის მონაწილეებისგან განსხვავებით, ციხეში არ სხედან.

" ნუ ამახინჯებთ ფაქტებს. არც ერთი სამართალდამცველი არ არის ციხეში. მოქალაქეები არიან ციხეში და სამართალდამცველები გარეთ. განსხვავებას გრძნობთ?"- მიმართა ხოშტარიამ სოფიო კილაძეს.

კომიტეტის სხდომაზე ასევე მწვავე კამათი იყო ემზარ კვიციანთან დაკავშირებულ ინციდენტზე.

"ეთიკის სტანდარტების დაცვა მოეთხოვება ყველას. არ აქვს მნიშვნელობა, დეპუტატი იქნება თუ მოქალაქე. ძალადობა არავის მხრიდან არ არის მისაღები და ისიც ბულინგი და ძალადობაა, როცა თავს ესხმიან და შეურაცხყოფას აყენებენ, არც ვერბალური ძალადობაა მისაღები,"- განაცხადა სოფიო კილაძემ.

"აზრის გამოხატვაა ძალადობა? ადამიანის უფლებათა კომიტეტში ხართ ქალბატონო სოფიო. აზრის გამოხატვა და ხელის ჩარტყმა არის ორი სხვადასხვა რამე. სასიამოვნო კი არ არის, მაგრამ იმსახურებს ამ სტვენას,"- განაცხადა ელენე ხოშტარიამ.

„შეცვალეს“ წევრები დაინტერესდნენ, რას ნიშნავს "ვერბალური ძალადობა" და რა "ტერმინებს იგონებს" სოფიო კილაძე.

კომიტეტის თავმჯდომარემ მათ დამშვიდებისკენ მოუწოდა.

"პარლამენტია აქ",- განაცხადა სოფიო კილაძემ, რაზეც „შეცვალეს“ ერთ-ერთმა წევრმა ნოდარ რუხაძემ პარლამენტში მომხდარი ფიზიკური დაპირისპირების ფაქტები შეახსენა. ასევე, ადამიანის უფლებათა კომიტეტის თავმჯდომარეს სთხოვეს, დამაზუსტებელი კითხვებისთვისაც ეპასუხა, თუმცა, სოფიო კილაძემ კიმიტეტის სხდომა დაასრულა და დარბაზი დატოვა.

თამარ ჩუგოშვილი - მე მგონი, ადამიანი არ დადის, ვისაც სჯერა, რომ უცებ მოხდა ამბოხი უმრავლესობაში - თვალში ნაცარი არავის უნდა შევაყაროთ
ქართული პრესის მიმოხილვა 16.12.2019
ვახტანგ ძაბირაძე  -  თუ სახელმწიფოს მართვის სისტემის შეცვლა გინდა, იმ გზას კი არ უნდა გადიოდე, რომელიც შენმა წინამორბედმა გაიარა
Archdaily „ლისი დეველოპმენტის“ პროექტების შესახებ სტატიას აქვეყნებს
ჩინური კომპანია POWERCHINA/SINOHYDRO 202-ე უსინათლო ბავშვთა საჯარო სკოლას ეწვია