ადა მარშანია - მე ხომ არ ვარ გამომძიებელი და მოსამართლე, რომ დავჯდე და განვსაჯო,  ემზარ კვიციანია მართალი თუ ისინი,  ვინც მას თავს დაესხა?!

მე ხომ არ ვარ გამომძიებელი და მოსამართლე, რომ დავჯდე და განვსაჯო, ემზარ კვიციანია მართალი თუ ისინი, ვინც მას თავს დაესხა?!- ამის შესახებ „პატრიოტთა ალიანსის“ ერთ-ერთმა ლიდერმა ადა მარშანიამ პარლამენტის ადამიანის უფლებათა კომიტეტის სხდომაზე განაცხადა. ის გამოეხმაურა მოძრაობა „შეცვალეს“ წარმომადგენლების მიერ დასმულ კითხვას ემზარ კვიციანთან დაკავშირებულ ინციდენტზე.

მისივე თქმით, ემზარ კვიციანი სულ სხვა ვერსიას ჰყვება.

"თქვენ აქ გნებავთ თეატრები, დადგმები და ჩვენ აქ მართლა ვმუშაობთ. მე მოგიყვეთ, ახლა სანამ მანქანიდან გადმოვედი და პარლამენტის შენობაში შემოვედი რას სკანდირებდით თქვენ ჩემს მიმართ?"- მიმართა ადა მარშანიამ მოძრაობა „შეცვალეს“ წარმომადგენლებს.

"ალბათ, რუსეთის მონას," - უპასუხა მას „შეცვალეს“ წარმომადგენელმა ნოდარ რუხაძემ.

ადა მარშანიამ საკუთარ გამოსვლაში მედიაც გააკრიტიკა და აღნიშნა, რომ ჟურნალისტები პარლამენტში მისი გამოსვლებით არ ინტერესდებიან.

"ნახეთ როგორი მოწადინებულია პრესა? ნახეთ რა აინტერესებთ ამათ? უმნიშვნელოვანეს საკითხებზე მიწევს მე პარლამენტში გამოსვლა და სულ არ აინტერესებს ეს პრესას. ძირითადად, მე ვსაუბრობ ქვეყნის გამთლიანების საკითხებზე,"- განაცხადა კომიტეტის სხდომაზე ადა მარშანიამ.

ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
ქართული პრესის მიმოხილვა 14.10.2021
ვიტალი ბალა - თუ სააკაშვილის კიევში დაბრუნებასთან დაკავშირებით უკრაინისა და საქართველოს პირველ პირებს შორის შეთანხმება იქნა მიღწეული, ამ თემაზე საქართველოს ხელისუფლების ადრე გაკეთებული განცხადებები ბევრს არც არაფერს ნიშნავს
„გორგია“ ბათუმში დაზარალებულ ყველა ოჯახს მათთვის საჭირო ტექნიკას, ავეჯსა და საყოფაცხოვრებო ნივთებს გადასცემს
ქართულ ბაზარზე ახალი ინოვაციური ბრენდი „მულტი“ შემოდის
BTU აბიტურიენტებისთვის და მაგისტრანტობის კანდიდატებისთვის მასშტაბურ პროექტს იწყებს