ვახტანგ გომელაური - მაკო გომურმა პროკურატურას ან სახელმწიფო ინსპექტორს უნდა მიმართოს, ჩვენ ხომ არ დავიწყებთ გამოძიებას?

შს მინისტრი ვახტანგ გომელაური აცხადებს, რომ 20 ივნისის აქციის დაშლისას დაშავებულმა მაკო გომურმა მის მიერ გაკეთებული განცხადების გამო პროკურატურას ან სახელმწიფო ინსპექტორის სამსახურს უნდა მიმართოს. ამის შესახებ შს მინისტრმა ჟურნალისტებს განუცხადა, რითაც მაკო გომურის განცხადებას გამოეხმაურა, რომ „უსმენენ და მისი „მესიჯები“, რომლებიც 20 ივნისის ღამეს უკავშირდება, იშლება“.

„ძალიან სამწუხაროა. ალბათ, პროკურატურას უნდა მიმართოს, ან თუნდაც ახალ სახელმწიფო ინსპექტორს, მიმართოს და გამოიკვლევენ. ჩვენ გვაბრალებს, როგორც მახსოვს, შსს-ზე ჰქონდა ეჭვი. ჩვენ ხომ არ დავიწყებთ გამოძიებას?! გამოძიება ალბათ, პროკურატურამ უნდა დაიწყოს, თუ საჭიროა... არ ვიცი, ალბათ, თვითონ უნდა მიმართოს“, - განაცხადა ვახტანგ გომელაურმა.

ლადო პაპავა - მოსახლეობა პოზიტიური დღის წესრიგის მოლოდინშია
ქართული პრესის მიმოხილვა 01.06.2020
ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ