ვახტანგ გომელაური კიბერშეტევაზე - ძალიან სერიოზული ქვეყნების უმაღლესი სტრუქტურების ვებ-გვერდებს ტეხავენ, ეს 21-ე საუკუნის ერთ-ერთი მძიმე მიმართულებაა

ძალიან სერიოზული ქვეყნების უმაღლესი სტრუქტურების ვებ-გვერდებს ტეხავენ, ეს 21-ე საუკუნის ერთ-ერთი მძიმე მიმართულებაა, - ამის შესახებ საქართველოს შინაგან საქმეთა მინისტრმა, ვახტანგ გომელაურმა განაცხადა.

როგორც შინაგან საქმეთა მინისტრმა აღნიშნა, ამ თემაზე მუშაობა მიმდინარეობს.

კითხვაზე, არის თუ არა ეს ვინმეს პასუხისმგებლობის საკითხი, გომელაურმა განაცხადა, რომ მსგავსი ფაქტები ყველა ქვეყანაში ხდება, დაწყებული აშშ-დან, ბრიტანეთი, ევროპული ქვეყნები.

„ეს 21-ე საუკუნის ერთ-ერთი მძიმე მიმართულებაა. რა თქმა უნდა, იყო შეტევა და მუშაობენ უსაფრთხოების სამსახური და შსს ერთობლივად, ასევე, ჩვენი პარტნიორები არიან ჩართულები საზღვარგარეთიდან და ვფიქრობთ, რომ ალბათ ნახავენ, თუ საიდან იყო. მე ტერმინოლოგიით არ შემიძლია ვილაპარაკო, მუშაობენ და ეს ყველას პასუხისმგებლობაა, როგორც შსს-სი, ასევე უსაფრთხოების. ვმუშაობთ ამ თემაზე. ის, რომ დაცული იყო თუ არა, - ძალიან სერიოზული ქვეყნების უმაღლესი სტრუქტურების ვებ-გვერდებს ტეხავენ და შედიან. სპეციალისტები მუშაობენ და ჯერ არაფერი უთქვამთ, მერწმუნეთ“, - განაცხადა გომელაურმა.

შეგახსენებთ, 28 ოქტომბერს კიბერშეტევა განხორციელდა რამდენიმე სამთავრობო და კერძო ვებგვერდზე, ასევე მედიასაშუალებებზე.

მიხეილ კალანდია - თამამად შემიძლია ვთქვა, რომ 19 წლის ასაკში პოლიტიკური პატიმარი ვარ
ქართული პრესის მიმოხილვა 21.11.2019
დავით უსუფაშვილი - „გერმანული მოდელი“ სწორედ იმიტომ იქნა შერჩეული, რომ იგი ყველაზე ადეკვატური კონტრნაბიჯია, რათა პროცესები კონტროლიდან არ გამოვიდეს
რესქულში უძრავი ქონების შეფასების კურსი 25 ნოემბერს დაიწყება
კომპანია „ფრეგო“-ს მთავარი ინვესტორის ღია წერილი
BCard - "ემბისის" ბიზნეს ბარათი მცირე ფერმერებისა და მიკრო მეწარმეებისთვის
უნიმანია "უნიქარდისგან" - ექსკლუზიური შეთავაზება მინიმალური ქულებით (R)