შინაგან საქმეთა მინისტრი, ვახტანგ გომელაური არ ადასტურებს ინფორმაციას, რომ სოფელ ჩორჩანაში გუშინ, ევროკავშირის სადამკვირვებლო მისიის წარმომადგენლები გამოიძახეს. ამის შესახებ გომელაურმა ჟურნალისტის კითხვის საპასუხოდ განაცხადა.
როგორც ვახტანგ გომელაურმა აღნიშნა, ევროკავშირის წარმომადგენლობას დღე-ღამის განმავლობაში შეუძლია ჩორჩანაში მისვლა.
„ისეთი მნიშვნელოვანი არაფერი მომხდარა, ჩვეულებრივად მუშაობენ ადამიანები. ევროკავშირი შედის დღეც, ღამეც და დადიან. არაფერი მომხადარა. ვინ გითხრათ, რომ გამოიძახეს?! არ გიდასტურებთ, რომ გამოიძახეს. გამოძახება სხვა რაღაცაა და მისვლა და შემოწმება სხვა რაღაც. ჩავიდნენ, ჩვეულებრივ შეამოწმეს. ევროკავშირს ღამეც და დღეც შეუძლია იაროს“, - განაცხადა გომელაურმა.