“ევროპული საქართველოს” წევრები ვაშინგტონში შეხვედრებს მართავენ
„ევროპული საქართველოს“ წევრები ვაშინგტონში შეხვედრებს მართავენ. ამის შესახებ „ინტერპრესნიუსს“ „ევროპული საქართველოდან“ აცნობეს.
მათივე ინფორმაციით, გიგა ბოკერია, სერგი კაპანაძე და გიორგი კანდელაკი აშშ-ს სენატის, წარმომადგენელთა პალატის, სახელმწიფო დეპარტამენტისა და არასამთავრობო ორგანიზაციების წარმომადგენლებს შეხვდნენ.
„საუბარი რუსეთის მიერ ოკუპირებულ ტერიტორიებზე არსებულ მდგომარეობას, ოთხოზორია-ტატუნაშვილის სიასა და უკანონო ბორდერიზაციას შეეხო. ამას გარდა, საუბრის თემა 2020 წლის საპარლამენტო არჩევნები და საქართველოს შიდა გამოწვევები იყო. სენატორი ტომ კოტონი, კონგრესმენები ჯერალდ კონორი, სტივ ვომაკი, პოლ კუკი, ადამ კინსზინგერი, დევიდ ფრაისი - აშშ-ს საკანონმდებლო ორგანოს სწორედ ამ წარმომადგენლებს შეხვდნენ „ევროპული საქართველოს“ წევრები“, - აღნიშნულია „ევროპული საქართველოს“ მიერ გავრცელებულ ინფორმაციაში.
