შსს - აშშ-ს სახელმწიფო დეპარტამენტის ანგარიშში   დადებითად არის შეფასებული საქართველოს მთავრობის ძალისხმევა ტერორიზმთან ბრძოლის მიმართულებით

ამერიკის სახელმწიფო დეპარტამენტმა 1-ელ ნოემბერს გამოაქვეყნა ტერორიზმის შესახებ ქვეყნების ანგარიში, რომელშიც დადებითაც არის შეფასებული საქართველოს მთავრობის ძალისხმევა ტერორიზმთან ბრძოლის მიმართულებით. ამის შესახებ შსს-ს ინფორმაციაშია ნათქვამი.

დოკუმენტი ასახავს ტერორიზმთან ბრძოლის კუთხით მსოფლიოში არსებულ სურათს

2018 წლის მდგომარეობით და მასში, სხვა ქვეყნებთან ერთად საქართველოც არის შეფასებული.

„დოკუმენტში საუბარია, რომ საქართველო, როგორც „ისლამური სახელმწიფოს წინააღმდეგ ბრძოლის გლობალური კოალიციის“ დიდი ხნის წევრი, მჭიდროდ თანამშრომლობს ამერიკის შეერთებულ შტატებთან ტერორიზმის წინააღმდეგ ბრძოლის კუთხით. აგრეთვე ხაზგასმულია, ამ მიმართულებით საქართველოს თანამშრომლობა საერთაშორისო, რეგიონულ და ორმხრივ დონეზე, მათ შორის ნატოსთან, ევროპის საბჭოსთან, შავი ზღვის ეკონომიკური თანამშრომლობის ორგანიზაციასთან და „სუამ“-თან.

სამართალდაცვითი და საზღვრის უსაფრთხოების მიმართულებით, აღნიშნულია 2018 წელს საქართველოს მთავრობის მიერ გადადგმული ნაბიჯები საკანონმდებლო ბაზისა და ინფრასტრუქტურის გაუმჯობესების მიზნით სასაზღვრო, საზღვაო და საავიაციო უსაფრთხოების გაძლიერების სფეროში. კერძოდ, დადებითად არის შეფასებული გაეროს უშიშროების საბჭოს 2396 რეზოლუციის შესაბამისად, მგზავრის წინასწარი მონაცემებისა და სახელის ჩანაწერის სისტემების განვითარება, ინტერპოლის მონაცემთა ბაზების ინტეგრირება ეროვნულ სასაზღვრო მონაცემთა ბაზებში, სომხეთისა და თურქეთის ოთხ სახმელეთო სასაზღვრო სექტორზე გაუმჯობესებული ინფრასტრუქტურა, ასევე, სომხეთთან მოსაზღვრე სამ სახმელეთო სასაზღვრო სექტორზე სათვალთვალო და მონიტორინგის სისტემების დანერგვის ფაქტები.

საზღვაო უსაფრთხოების მიმართულებით, აღნიშნულია, რომ 2018 წლის ოქტომბერში აშშ-მ საქართველოს სანაპირო დაცვას „აილენდის“ კლასის ორი სადარაჯო ხომალდი გადასცა, საქართველოს მთავრობამ კი ერთობლივი საზღვაო ოპერაციების მართვის ცენტრის ახალი დებულება დაამტკიცა, რითიც განახლდა ინფორმაციის გაცვლის წესები და პროცედურები. კონტრტერორისტული კანონმდებლობის გაძლიერების მიმართულებით, დადებითად არის შეფასებული სისხლის სამართლის კოდექსში შესული საკანონმდებლო ცვლილებები, რომლითაც გაიზარდა ხელისუფლების წარმომადგენლების უფლებამოსილება უცხო ქვეყნის იურისდიქციას მიკუთვნებულ საქმეებთან მიმართებით და აგრეთვე, გამომძიებლებს და პროკურორებს მიენიჭათ უფლება, დისტანციურად გამოკითხონ მოწმეები და აწარმოონ გამოძიება უცხო ქვეყნის იურისდიქციის ფარგლებში.

დოკუმენტში აღნიშნულია, რომ 2018 წელს საქართველომ ხელი მოაწერა ევროპოლთან ურთიერთგაგების მემორანდუმს უსაფრთხო კომუნიკაციის არხის თაობაზე, აგრეთვე, მეკავშირეობის შესახებ შეთანხმებას. 23 ქვეყანასა და ევროკავშირთან უკვე არსებულ შეთანხმებებზე დამატებით, საქართველომ საიდუმლო ინფორმაციის გაცვლისა და ორმხრივად დაცვის შესახებ შეთანხმებები ასევე გააფორმა ალბანეთთან, მოლდოვასთან და იტალიასთან“, - აღნიშნულია ინფორმაციაში.

ზურაბ ბატიაშვილი - ყარაბაღის კონფლიქტით ყველაზე მოგებული მხარე რუსეთია
ქართული პრესის მიმოხილვა 22.10.2020
რამაზ საყვარელიძე - იმ სოციოლოგიური კვლევების ფონზე, რაც მრავლად ტარდება, გაუგებარია, საიდან გაუჩნდა ოპოზიციას არჩევნებში გამარჯვების და მთავრობის შექმნის იმედი
3-მილიარდიანი ინვესტიცია დედაქალაქის ცენტრში - Tbilisi Hills Golf & Residences ინოვაციური განვითარების ხედვით
გიგანტური კერამიკული ფილები (R)
სამსუნგის The Serif ტელევიზორი საქართველოში უკვე იყიდება
მოიპოვე მსოფლიოში ყველაზე მოთხოვნადი მინერალები საქართველოში
eutoday - ყარაბაღის კონფლიქტი - ბრძოლა საერთაშორისო სამართლისთვის და არა რელიგიისთვის
კახა ძაგანია - "პატრიოტთა ალიანსმა" ხელისუფლებისგან ხმის მიცემის საათების გაზრდა მოითხოვა"
მერაბ ჭიქაშვილი - "ხელისუფლება კორონას ფსიქოლოგიურ იარაღად იყენებს!"
ნანა დევდარიანი - "31 ოქტომბერს ხალხი "ნაციონალურ მოძრაობასაც" და "ქართულ ოცნებასაც" ყველაფრისთვის  დასჯის!"