გურამიშვილის გამზირზე 19 ოქტომბერს მომხდარი აფეთქების შედეგად დაშავებული  მამაკაცი კლინიკაში გარდაიცვალა

გურამიშვილის გამზირზე აფეთქების შედეგად დაშავებული 39 წლის სოსო ჯავახიშვილი, დღეს, კლინიკაში გარდაიცვალა. ამის შესახებ ინფორმაცია „ინტერპრენიუსს“ ხეჩინაშვილის სახელობის საუნივერსიტეტო კლინიკაში დაუდასტურეს.

ცნობისთვის, რამდენიმე დღის წინ, დამწვრობის ცენტრის ხელმძღვანელი, გუგა ქაშიბაძე აცხადებდა, რომ სოსო ჯავახიშვილი მართვით სუნთქვაზე აღარ იყო და სასუნთქი აპარატიდან მოიხსნა. მისი თქმით, დაზიანებიდან 2 კვირის შემდეგ, მისი ზოგადი მდგომარეობის მცირე გაუმჯობესება შეინიშნებოდა, თუმცა პაციენტი მაინც რჩებოდა რეანიმაციულ განყოფილებაში. მას სხეულის 65 პროცენტი ჰქონდა დამწვარი

შეგახსენებთ, რომ 19 ოქტომბერს, გურამიშვილის გამზირზე, საცხოვრებელ კორპუსში, გაზის დაგროვებით გამოწვეული აფეთქების შედეგად სულ 4 ადამიანი დაშავდა. მათ შორის იყო 39 წლის სოსო ჯავახიშვილი.

თორნიკე ჯანაშვილი - ქვეყანა ღრმა ეკონომიკურ კრიზისშია  და მომავალ წელს უფრო მძიმე  კრიზისის  წინაშე  შეიძლება აღმოვჩნდეთ
ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 10.08.2020
სევრის ხელშეკრულების 100 წლისთავი
სილქნეტის სამთვიანი აქცია უფასო ინსტალაციაზე ამოქმედდა