„სიკვდილი ამერიკას!“ - ამ შეძახილებით ათასობით ირანელმა აშშ-ს ყოფილ საელჩოსთან აქცია გამართა

ათასობით ირანელმა ამერიკის შეერთებული შტატების ყოფილ საელჩოსთან აქცია გამართა. ირანის სახელმწიფო ტელევიზიამ გაავრცელა კადრები, როგორ სკანდირებენ პროტესტანტები „სიკვდილი ამერიკას“.

გუშინ, ირანის უმაღლესმა ლიდერმა აითოლა ალი ხამენეიმ განაცხადა, რომ ირანი შეერთებულ შტატებთან მოლაპარაკებებს არ განაახლებს, რადგან, „შეერთებული შტატები ათეულობით წელია არ შეცვლილა და ის აგრესიას, მანკიერი ქმედებებისა და საერთაშორისო დიქტატურის განხორციელებას აგრძელებს“.

შეგახსენებთ, 1979 წელს, აშშ-ს მიერ მხარდაჭერილი შაჰის დაცემის შემდეგ, ისლამისტი რადიკალი სტუდენტები საელჩოს შენობაში შეიჭრნენ და 52 ამერიკელი მძევლად აიყვანეს. ისინი ტყვეობაში 444 დღის განმავლობაში იმყოფებოდნენ. მას შემდეგ, ორმა ქვეყანამ ურთიერთობების ნორმალიზება ვერ მოახერხა.

იხილეთ ვიდეო: ათასობით ირანელმა აშშ-ის ყოფილ საელჩოსთან აქცია გამართა

ზაზა ფირალიშვილი - არ ჩანს დიდი იდეა, არ ჩანან პოლიტიკური აქტორები, რომლებიც თავისი გადამდები ენთუზიაზმით და ენერგიით „აამოძრავებდნენ“ საზოგადოებას
თორნიკე ჯანაშვილი - “რეფორმერი" პოლიტიკაში მოდის
ქართული პრესის მიმოხილვა 14.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ტერაბანკის ინოვაციური ბოტის საკომუნიკაციო კამპანიამ საერთაშორისო აღიარება მოიპოვა