გენერალური პროკურატურა ბიზნესმენ გია უდესიანს ახალ ბრალდებას წარუდგენს. როგორც „ინტერპრესნიუსს“ გენერალური პროკურატურიდან აცნობეს, ბრალის წარდგენასთან დაკავშირებით უწყებაში განცხადება 18:00 საათზე გაკეთდება.

პროკურატურაში არ აკონკრეტებენ, რა საქმესთან დაკავშირებით წარედგინება ბრალი ქართველ ბიზნესმენს.

შეგახსნებთ, რომ გია უდესიანს ბრალი კუს ტბის წილების იძულების დათმობის საქმესთან დაკავშირებით აქვს წაყენებული. ამავე საქმეზე მასთან ერთად ბრალდებულია სასჯელაღსრულების ნომერ მერვე დაწესებულების ყოფილი დირექტორი ალექსანდრე მუხაძე.

უდესიანი ბოლო წლებია საქართველოში არ იმყოფება.