გია ვოლსკი ივანიშვილის განცხადებებზე ოპოზიციის გამოხმაურებაზე - ხანდახან სისულელეს საზღვარი არ აქვს

ხანდახან სისულელეს საზღვარი არ აქვს, - ასე აფასებს საპარლამენტო უმრავლესობის ლიდერი გია ვოლსკი ჟურნალისტებთან ბიძინა ივანიშვილის განცხადებებზე ოპოზიციის გამოხმაურებებს. ამასთან, დეპუტატი ბიძინა ივანიშვილის ქველმოქმედებასა და სარგებელზე საუბრის კონტექსტში ოპოზიციას არითმეტიკას უწუნებს.

„არსებობს ბიზნესგარემო, ურთიერთობები, რომელიც ჩვეულებრივია ყველასათვის მთელ მსოფლიოში გარდა იმისა, რასაც ჰქვია „ნაციონალური მოძრაობა“, როგორც სექტა და წარმონაქმნი.

ბიძინა ივანიშვილი უფრო საინტერესო რამეს საუბრობს, ვიდრე „ნაციონალური მოძრაობის“ ასეთი გააფთრებული შეტევა იმ პასაჟზე, რომ ქველმოქმედებიდან გაცილებით მეტი აქვს ამოღებული. ეს არითმეტიკაც არ იციან ეტყობა. რეალურად ეს არ არის მხოლოდ ქველმოქმედება, ეს არის მისი პასუხისმგებლობა საქართველოს ისტორიის ამ გარკვეულ მონაკვეთზე და ამ პასუხისმგებლობას თავმდაბლობით, ენთუზიაზმით და სამშობლოს მიმართ პატრიოტული დამოკიდებულებით ახორციელებს ადამიანი. ნებისმიერი დისკრედიტაცია მის მიმართ რა თქმა უნდა, პოლიტიკურ მიზნებს ემსახურება“, - განაცხადა გია ვოლსკიმ.

თამარ გაბუნია - ეპიდემიის გავრცელების მაჩვენებელი ჯერ კონტროლის ფარგლებში რჩება, თუმცა გარკვეული შერბილებების შემდეგ, რაღაცნაირად მოვდუნდით
ზვიად კირტავა - მთავარია, ყველა მოქალაქემ გააცნობიეროს - თუ სწორად მოექცევა ჯანმრთელობას, სამუშაოს და ბიზნესსაც შეინარჩუნებს, თუ წესებს დაივიწყებს, ყველას და ყველაფერს რისკის ქვეშ დააყენებს
ქართული პრესის მიმოხილვა 01.06.2020
"დიჯიტალ ტვ" საიუბილეო აქციას იწყებს
„დრესაპ ჯგუფის“ მაღაზიები გაიხსნა