„ევროპული საქართველოს“ ერთ-ერთი წევრი სერგი კაპანაძე საქართველოს საგარეო პოლიტიკას აკრიტიკებს და აცხადებს, რომ საქართველო არ შეუერთდა ევროკავშირის გადაწყვეტილებას, რომელიც უკრაინის კონფლიქტთან დაკავშირებულ რუსეთის მოქალაქეებისთვის სანქციების გაგრძელებას ეხება.

„ევროკავშირმა მიიღო გადაწყვეტილება, რომ სანქციები გახანგრძლივდეს 2020 წლის შუა პერიოდამდე, 6 თვით იმ იურიდიული და ფიზიკური პირების მიმართ, რომლებიც რუსეთიდან არიან და დაკავშირებულნი არიან უკრაინის კონფლიქტთან. ნიშანდობლივია ის, რომ საქართველო მორიგჯერ არ შეუერთდა ამ განცხადებას. ჩვენ ვნახეთ განცხადების ტექსტი, რომელზეც შეერთებულია ევროკავშირის გარდა კიდევ 4 ქვეყანა, რომლებიც არიან ევროკავშირის არაწევრი ქვეყნები და მათ შორის არ არის საქართველო. ეს არის კიდევ ერთი დადასტურება იმისა, თუ როგორ უპასუხისმგებლო საგარეო პოლიტიკას ატარებს „ქართული ოცნების“ ხელისუფლება, რომელიც არ უდგას გვერდში უკარაინას და არ იყენებს შესაძლებლობას იმისთვის, რომ საქართველოს კონფლიქტები იყოს განხილული ერთ კონტექსტში რუსეთ-უკრაინის კონფლიქტთან,"- განაცხადა სერგი კაპანაძემ.