გერმანიის პრეზიდენტი, ფრანკ-ვალტერ შტაინმაიერი საბჭოთა კავშირის ყოფილ ლიდერს, მიხეილ გორბაჩოვს ქვეყნის გამთლიანებისთვის გაწეული სამსახურისთვის მადლობას უხდის. წერილში, რომელიც დღეს გავრცელდა, პრეზიდენტი შტაინმაიერი აცხადებს, რომ მშვიდობიანი გაერთიანება „შეუძლებელი იქნებოდა იმ გაბედული და ჰუმანური გადაწყვეტილებების გარეშე, რაც შენ მაშინ პირადად მიიღე."
„ის, რაც ყველაზე მეტად მტკივა, არის გერმანია-რუსეთის და ევროპა-რუსეთის ურთიერთობების ახლანდელი მდგომარეობა... მნიშვნელოვანია, რომ ის გაუცხოვება, რაც წლების განმავლობაში დაგროვდა, არ გაბატონდეს ჩვენზე“,-წერს გერმანიის პრეზიდენტი.