სულხან სალაძე - თემირლან მაჩალიკაშვილის გარდაცვალების საქმეზე გამოძიების შეწყვეტა მთელი პროცესის მიმართ კითხვებს მხოლოდ გაზრდის

თემირლან მაჩალიკაშვილის გარდაცვალების საქმეზე გამოძიების შეწყვეტის გადაწყვეტილება მხოლოდ გაზრდის კითხვებს მთელი პროცესის მიმართ, - ამის შესახებ „ახალგაზრდა იურისტთა ასოციაციის“ თავმჯდომარე სულხან სალაძემ „ინტერპრესნიუსს“, თემირლან მაჩალიკაშვილის გარდაცვალების საქმეზე გამოძიების შესაძლო შეწყვეტის შეფასებისას განუცხადა.

სალაძის თქმით, საქმის მუდმივად, დაუსრულებლად გამოძიებაში არსებობა, არც ხელისუფლებისთვის და არც გამოძიებისთვის არ უნდა იყოს საინტერესო.

„უნდა დაველოდოთ ოფიცილურად ამ თემაზე განცხადებას და ამ განცხადებას ალბათ, გამოძიება მოაყოლებს გარკვეულ არგუმენტებს, თუ საერთოდ შეწყვეტს გამოძიებას, რატომ იღებს ამ გადაწყვეტილებას. ამის შემდეგ შეიძლება ვისაუბროთ გადაწყვეტილების წინაპირობებთან დაკავშირებით. რასაც ამ საკითხის ირგვლივ ვხედავთ ესაა, ერთი მხრივ ის, რომ შეიძლება ეს არ იყო მარტივად გამოსაძიებელი საქმე და მეორე მხრივ, მუდმივად ამ საკითხს თან გასდევდა კითხვა - შეიძლება ყოფილიყო თუ არა პოლიტიკური წინაპირობა, იმისთვის, რომ ეს საკითხი არ ყოფილიყო სათანადოდ გამოძიებული. პირველ ეტაპზე, რაც ჩვენ უნდა გავიგოთ, ეს არის გამოძიების პასუხი, თუ შეწყდება გამოძიება, რატომ წყდება გამოძიება და არა მხოლოდ ზოგადი შეფსება,“ - განაცხადა სულხან სალაძემ.

ცნობისთვის, „ინტერპრესნიუსის“ ექსკლუზიური ინფორმაციით, პანკისის ხეობაში ჩატარებული სპეცოპერაციის შედეგად დაჭრილი თემირლან მაჩალიკაშვილის გარდაცვალების საქმეზე გამოძიება, შესაძლოა, შეწყდეს. როგორც სააგენტოს ინფორმირებულმა წყარომ განუცხადა, პროკურატურამ თემირლან მაჩალიკაშვილის გარდაცვალების საქმეზე გამოძიება ფაქტობრივად, დაასრულა და სპეცდანიშნულების რაზმის თანამშრომლების მხრიდან სამსახურეობრივი უფლებამოსილების შესაძლო გადამეტება ვერ დაადგინა.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ