გზების დეპარტამენტი - ხაშური-ახალციხე-ვალეს გზაზე 6 კმ-იანი მონაკვეთის რეაბილიტაცია სრულდება

ხაშური-ახალციხე-ვალეს გზაზე 6 კმ-იანი მონაკვეთის რეაბილიტაცია სრულდება, - ამის შესახებ „ინტერპრესნიუსს“ საქართველოს საავტომობილო გზების დეპარტამენტიდან აცნობეს.

მათივე ინფორმაციით, საერთაშორისო მნიშვნელობის ხაშური-ახალციხე-ვალეს საავტომობილო გზაზე 6 კმ-იანი მონაკვეთის რეაბილიტაცია დასრულების ეტაპზეა. სარეაბილიტაციო გზა ბორჯომის მუნიციპალიტეტში, დასახლებულ ტერიტორიაზე გადის.

„არსებული გზის სავალი ნაწილი დაზიანებული და გაცვეთილი იყო, რაც მოძრაობის მაღალი ინტენსივობის მქონე გზაზე გადაადგილებას აფერხებდა. რეაბილიტაციის პროექტის ფარგლებში, გაუმჯობესდა სავალი ნაწილის კონსტრუქცია და გზის შემადგენელი პარამეტრები, დაიგო ასფალტ-ბეტონის საფარი და რეაბილიტირდა დაზიანებული ხელოვნური ნაგებობები. ავტოტრანსპორტის მოძრაობის უსაფრთხოების უზრუნველსაყოფად და გზაზე მძღოლთა სრულყოფილი ორიენტაციისათვის ეწყობა საგზაო ნიშნები და ხორციელდება გზის სავალი ნაწილის მონიშვნა. პროექტი სახელმწიფო ბიუჯეტიდან დაფინანსდა და მისი ღირებულება 6 078 915 ლარია. სამუშაოები მიმდინარე წლის აპრილში დაიწყო და წლის ბოლომდე დასრულდება“, - აცხადებენ გზების დეპარტამენტში.

თორნიკე ჯანაშვილი - ქვეყანა ღრმა ეკონომიკურ კრიზისშია  და მომავალ წელს უფრო მძიმე  კრიზისის  წინაშე  შეიძლება აღმოვჩნდეთ
ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 10.08.2020
სევრის ხელშეკრულების 100 წლისთავი
სილქნეტის სამთვიანი აქცია უფასო ინსტალაციაზე ამოქმედდა