საქართველო-ავსტრიის ბიზნესფორუმი გაიმართა

საქართველოს 9 ავსტრიული კომპანიისგან შემდგარი დელეგაცია ეწვია. ვიზიტის ფარგლებში, ავსტრიის საგარეო ვაჭრობის წარმომადგენლობის (Advantage Austria) ორგანიზებითა და საქართველოს სავაჭრო-სამრეწველო პალატის (GCCI) მხარდაჭერით ავსტრია - საქართველოს ბიზნესფორუმი გაიმართა.

როგორც „ინტერპრესნიუსს“ საქართველოს სავაჭრო-სამრეწველო პალატიდან აცნობეს, ფორუმზე მისასალმებელი სიტყვით გამოვიდნენ ავსტრიის ელჩი საქართველოში, არად ბენკო, ავსტრიის კონსული სავაჭრო საკითხებში თურქეთში, საქართველოსა და აზერბაიჯანში, გეორგ კარაბაჯეკი, და საქართველოს სავაჭრო-სამრეწველო პალატის პრეზიდენტი, გიორგი პერტაია.

თავის სიტყვაში პალატის პრეზიდენტმა, გიორგი პერტაიამ, საქართველოს საინვესტიციო გარემოზე, პალატის მიზნებსა და სამოქმედო გეგმაზე ისაუბრა.

ბიზნესფორუმის ფარგლებში ქართულ და ავსტრიულ კომპანიებს შორის ორმხრივი ბიზნეს შეხვედრები გაიმართა, რომელშიც მონაწილეობა 50-მდე ქართულმა კომპანიამ მიიღო. ავსტრიული კომპანიები წარმოდგენილნი იყვნენ შემდეგი სექტორებიდან: მანქანათმშენებლობა, ენერგეტიკა, ლოგისტიკა, ინფრასტრუქტურა, სოფლის მეურნეობა და სხვ.

ღონისძიების ფარგლებში ქართულ კომპანიებს შესაძლებლობა ჰქონდათ დაემყარებინათ საქმიანი კავშირები და გაეზიარებინათ ავსტრიული გამოცდილება.

ხათუნა ლაგაზიძე - ვინც აირჩიეს, ის წავიდა და ვინც დარჩა, ისინი არ აურჩევიათ, პარლამენტის არალეგიტიმურობას პარლამენტში მარტო ოპოზიციის არარსებობა არ ქმნის
ქართული პრესის მიმოხილვა 15.01.2021
პაატა ცაგარეიშვილი  - საქართველოს სატრანზიტო შესაძლებლობები იმ შემთხვევაში აღმოჩნდება საფრთხის ქვეშ, თუ სომხეთი ახლო მომავალში შეძლებს გახდეს სატრანზიტო ქვეყანა