სამწუხაროა, რომ შეჭირვებულ მდგომარეობაში მყოფ წყალტუბოს და მთლიანად საქართველოს კიდევ ერთი ბარიერი გაუჩნდა იმ გზაზე, რასაც აღორძინება ჰქვია და ძალიან სამწუხაროა, რომ პარტიებთან ერთად ამის ინიციატორად არასამთავრობო ორგანიზაციები გამოდიან, - ამის შესახებ საპარლამენტო უმრავლესობის ლიდერმა გია ვოლსკიმ ჟურნალისტებს განუცხადა.
მისი თქმით, ბიძინა ივანიშვილის ინიციატივა, რომელიც წყალტუბოს სასტუმროებისა და აბანოების გამოსყიდვას შეეხება, წყალტუბოს პოტენციალს აღადგენს.
„სამწუხაროა, რომ შეჭირვებულ მდგომარეობაში მყოფ წყალტუბოს და მთლიანად საქართველოს კიდევ ერთი ბარიერი გაუჩნდა იმ გზაზე, რასაც აღორძინება ჰქვია და ძალიან სამწუხაროა, რომ პარტიებთან ერთად ამის ინიციატორად არასამთავრობო ორგანიზაციები გამოდიან. აქ ლაპარაკია მინგრეულ, გაპარტახებულ შენობებსა და მათ აღდგენაზე. წყალტუბოს პოტენციალის აღდგენაზე მიდის საუბარი იმ პირობებში, როდესაც საკმაოდ მძიმე ეკონომიკური მდგომარეობაა საქართველოში, თუმცა ეს ტენდენცია მნიშვნელოვანწილად ხელს შეუწყობს ამ მდგომარეობის გამოსწორებას,“ - განაცხადა გია ვოლსკიმ.