ანა დოლიძე მნიშვნელოვნად არის შეჭრილი პოლიტიკურ ველზე, თუმცა მისი იუსტიციის უმაღლესი საბჭოდან გამოწვევა სამართლებრივად გამართლებულად არ მიმაჩნია, - ამის შესახებ საპარლამენტო უმრავლესობის ლიდერმა გია ვოლსკიმ ჟურნალისტებს განუცხადა, რითაც გამოეხმაურა იუსტიციის საბჭოს მოსამართლე წევრების პრეზიდენტისადმი მიმართვას, ანა დოლიძის გაწვევის თაობაზე. ვოლსკის შეფასებით, პრეზიდენტის უფლებამოსილებაში მისი გაწვევა არ შედის.

„მე რამდენადაც ვიცი, პრეზიდენტს არ აქვს ის უფლებამოსილება, რომ ანა დოლიძე გაიწვიოს. მას კონსტიტუციით აქვს დანიშვნის უფლებამოსილება, ხოლო გაწვევა იქ არ იკითხება, მაგრამ რეალურად ფაქტია, რომ ანა დოლიძეც მნიშვნელოვნად გასცდა იმ ფუნქციებს, რასაც ჰქვია იუსტიციის საბჭოს წევრის ფუნქციები. ის მნიშვნელოვნად არის შეჭრილი პოლიტიკურ ველზე, თუმცა მისი გამოწვევა სამართლებრივად გამართლებულად არ მიმაჩნია,“ - განაცხადა გია ვოლსკიმ.