გია უდესიანის და -  ბოტასიპარია ფარცხალაძის, თადუმაძისა და  ამ ხელისუფლების პირობებში,  გია უდესიანს ზიანს ვერასდროს მიაყენებენ

ძალიან პირდაპირ და ნათლად გეტყვით, ბოტასიპარია ფარცხალაძის, თადუმაძისა და ამ ხელისუფლების პირობებში, გია უდესიანს ზიანს ვერასდროს მიაყენებენ,- ამის შესახებ ბრალდებულ ზაზა გუგავას მეუღლემ და ბრალდებული ბიზნესმენის გია უდესიანის დამ ინგა გუგავამ ჟურნალისტებს განუცხადა.

ინგა გუგავა საქმეს “შეთითხნილს” უწოდებს და ამბობს, რომ მისი ოჯახის მიმართ ძალადობა ხორციელდება.

“ჩვენ ისეთ ქვეყანაში ვცხოვრობთ, სადაც ივანიშვილის რეჟიმი ძალიან მზაკვრულად გვანადგურებს. დღეს პროცესი იყო ათი წლის წინანდელი პროკურატურის შეთითხნილი ბრალდების საფუძველზე. ჩემს მეუღლეს, ზაზა გუგავას, რომელიც აფხაზეთის ომის ვეტერანი, მეორე ჯგუფის ინვალიდია, ჩემს სამ მცირეწლოვან შვილს პროკურატურამ და სასამართლომ შეთანხმებით ლუკმა გამოაცალეს. ჩვენ ალბათ, მოვამზადებთ შესაბამის საბუთებს, მივმართავ ალბათ, პოლიტიკური თავშესაფრისთვის. ამ ქვეყანაში ჩვენი ოჯახი სასწაული ძალდობის ქვეშ არის. რაც შეეხება გია უდესიანს, ძალიან პირდაპირ და ნათლად გეტყვით, ბოტასიპარია ფარცხალაძის, თადუმაძის, ამ ხელისუფლების პირობებში, ზიანს ვერასდროს მიაყენებენ. ის ადამიანი სხვა ქვეყანაში იმყოფება. ამ ქვეყნისთვის საშიში არ არის, პირიქით ძალიან პატრიოტი ადამიანია, ვამაყობ, რომ ჩემი ძმა არის. ვერანაირი 50 ათასიანი გირაოთი , გაზრდილი სასჯელებით ვერასდროს ვერ მიიღებთ ჩვენგან, რომ ვიყოთ თქვენს სამსახურში. მე პირადად, ყველაფერს გავაკეთებ, რომ ივანიშვილის ბინძური რეჟიმი მალე დასრულდეს”,-განაცხადა ინგა გუგავამ.

მისივე თქმით, გირაოს მეგობრების დახმარებით გადაიხდის, რომ მისი მცირეწლოვანი შვილები “მამის გარეშე არ დარჩნენ”.

ცნობისთვის, თბილისის საქალაქო სასამართლომ სრულად დააკმაყოფილა სახელმწიფო ბრალდების შუამდგომლობა და უძრავი ქონებისა და სამეწარმეო ორგანიზაციის წილების გამოძალვის, ასევე თავისუფლების უკანონო აღკვეთის ორგანიზებაში ბრალდებულ გია უდესიანს აღკვეთის ღონისძიების სახით პატიმრობა, ხოლო გამოძალვაში მონაწილეობისთვის ბრალდებულ ზაზა გუგავას, აღკვეთის ღონისძიების სახით გირაო 50 000 ლარის ოდენობით შეუფარდა

ევროკავშირის სადამკვირვებლო მისიის ხელმძღვანელი - ახლა უმთავრესი გამოწვევა დიალოგის განახლებაა, წინააღმდეგ შემთხვევაში, ვშიშობ, რომ ადგილზე გვექნება გართულებული ვითარება
ლევან ნატროშვილი - მიუხედავად იმისა, რომ საარჩევნო კოდექსში ბევრი დადებითი ცვლილება განხორციელდა, ისინი ბოლომდე ვერ პასუხობს  ეუთო/ოდირის რეკომენდაციებს
ქართული პრესის მიმოხილვა 02.07.2020
აჭარის ტურიზმის დეპარტამენტის თავმჯდომარე - მოვუწოდებ ყველა ქართველს, იმოგზაურონ ჩვენს რეგიონში, მათთვის ბევრი საინტერესო პროდუქტი გვაქვს
ვანო ჩხარტიშვილი - მამუკა ხაზარაძე დღეს მომავლის საშვის აღებას წარსულის გადაწერით ცდილობს
ძუძუს კიბო და ადრეული დიაგნოსტირების როლი მის მკურნალობაში
„თბილღვინო“ სოციალური პასუხისმგებლობის ფარგლებში შეჭირვებულ ოჯახებს ეხმარება
საუკეთესო სავალუტო კურსი ტერაბანკისგან
საქართველოში სერვისი ბინა გაქირავების გარანტიით შემოვიდა - მესაკუთრეები დაზღვევის სახით ბინის ღირებულების 5%-ს მიიღებენ
„ვისოლი“ Smart Pay ფორმატის ავტოგასამართი სადგურების ქსელს ავითარებს
Apple Pay ხალიკ ბანკი საქართველოს მომხმარებლებისთვის