მექსიკაში, აშშ-ის საზღვართან ახლოს 9 ადამიანი მოკლეს. ამ ინფორმაციას „ბიბისი“ ავრცელებს. შემთხვევა მექსიკის შტატ ჩიჰუაჰუაში მოხდა. უცნობმა პირებმა, რომლებიც სავარაუდოდ ნარკოტიკებით ვაჭრობდნენ, აშშ-ისა და მექსიკის ორმაგი მოაქლაქეობის მქონე 9 პირი მოკლეს, რომელთა შორის დედა და 4 მცირეწლოვანი შვილი იყვნენ.

მათ შორის ყველაზე პატარები 6 თვის ტყუპები იყვნენ. გამოცემის მიხედვით, გარდაცვლილები მორმონთა ეკლესიის წევრები იყვნენ. ისინი რამდენიმე მანქანით მექსიკიდან აშშ-ში მიემგზავრებოდნენ. შეირაღებული თავდასხმის შედეგად 1 ავტომობილი მთლიანად დაიწვა.