დიდ ბრიტანეთში, ესექსის საგრაფოში სატვირთო მანქანაში ნაპოვნი 39 ცხედრის საქმეზე ვიეტნამში 11 ადამიანი დააკავეს. ამ ინფორმაციას „ევრონიუსი“ ავრცელებს. ვიეტნამის პოლიციის განცხადებით, ისინი ბრიტანელ კოლეგებთან თანამშრომლობას აგრძელებენ და საქმესთან დაკავშირებით ახალი დეტალების დადგენას ცდილობენ.

შეგახსენებთ, რომ მიმდინარე წლის 23 ოქტომბერს ლონდონთან ახლოს, ესექსის პროვინციაში სატვირთო ავტომობილში 39 ცხედარი აღმოაჩინეს. თავდაპირველად გამოძიება აცხადებდა, რომ გარდაცვლილები ჩინეთის მოქალაქეები იყვნენ, მოგვიანებით კი დადგინდა, რომ ვიეტნამელები იყვნენ. მომხდართან დაკავშირებით დიდ ბრიტანეთში 4 პირი დაკავეს.