ნათია თურნავა ჩინეთის განსუს პროვინციის გუბერნატორს შეხვდა

ჩინეთის ვიზიტის ფარგლებში, საქართველოს ეკონომიკისა და მდგრადი განვითარების მინისტრი ნათია თურნავა ჩინეთის განსუს პროვინციის გუბერნატორს თან ჟენძიენს შეხვდა. აღნიშნული პროვინცია ჩინეთის ჩრდილოეთით მდებარეობს, მისი მოსახლეობა კი 25 მლნ ადამიანს აჭარბებს.

როგორც „ინტერპრესნიუსს“ საქართველოს ეკონომიკისა და მდგრადი განვითარების სამინისტროდან აცნობეს, შეხვედრას ასევე დაესწრნენ აღნიშნული პროვინციის ადმინისტრაციის წევრები, აგრეთვე ეკონომიკისა და მდგრადი განვითარების მინისტრის მოადგილე გენადი არველაძე, საპარტნიორო ფონდის აღმასრულებელი დირექტორი დავით საგანელიძე, საქართველოს რკინიგზის აღმასრულებელი დირექტორი დავით ფერაძე და საქართველოს ელჩი ჩინეთში არჩილ კალანდია.

შეხვედრაზე მხარეებმა განიხილეს საქართველოსა და ჩინეთის სავაჭრო-ეკონომიკური კავშირები და ხაზი გაუსვეს მათი გაღრმავებისა და განვითარების მნიშვნელობას. აღინიშნა, რომ ქვეყნების წარმატებით თანამშრომლობენ როგორც ორმხრივ, ასევე რეგიონალურ პლატფორმებზე. მათ შორის, ხაზი გაესვა სარტყელისა და გზის ინიციატივას, რომელმაც ბიძგი მისცა თვისობრივად ახალი ტიპის თანამშრომლობის განვითარებას საქართველოსა და ჩინეთს შორის.

ნათია თურნავას განცხადებით, საქართველო დაინტერესებულია, განავითაროს ეკონომიკური კავშირები ჩინეთის ცალკეულ პროვინციებთანაც. მან ხაზი გაუსვა ქვეყნის საინვესტიციო შესაძლებლობებს, აგრეთვე ხაზი გაუსვა თავისუფალი ვაჭრობის შეთანხმების ფარგლებში ურთიერთობის გაღრმავებასა და ტურიზმის სფეროში თანამშრომლობის მნიშვნელობას. მინისტრმა განსუს პროვინციის გუბერნატორი საქართველოში მოიწვია, რომლის დროსაც განისაზღვრება თანამშრომლობის პრიორიტეტული მიმართულებები.

თავის მხრივ, განსუს პროვინციის გუბერნატორმა ნათია თურნავა და ქართული ბიზნესის წარმომადგენლები განსუს პროვინციაში დაგეგმილ ეკონომიკური პროფილის გამოფენებზე მოიწვია, განსაკუთრებული აქცენტი გაკეთდა ისეთ სექტორებზე, როგორიცაა ტურიზმი, ღვინის წარმოება, განახლებადი ენერგეტიკა, ტრანსპორტი და ლოგისტიკა და სხვ.

ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ქართული პრესის მიმოხილვა 06.07.2020
ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
უპროცენტო განვადება და საჩუქარი მომხმარებელს - რას სთავაზობს კომპანია ,,ჯეო გლასი"
ბიზნეს-ცენტრი ატრიუმი - პრაქტიკული არჩევანი
„PSP ყველგან შენი ოჯახის გვერდით“ კამპანიის ფარგლებში ბრიტანული კონცეფციის აფთიაქი წყნეთში გაიხსნა
ტერაბანკი ბიზნესკლიენტებს საქმიანობის პოპულარიზაციაში დაეხმარება
ლიბერთი იპოთეკური სესხების სუბსიდირების სახელმწიფო პროგრამაში ჩაერთო