სალომე ზურაბიშვილი - ინფორმაციის თავისუფლება არ არის თავნებობა

ინფორმაციის თავისუფლება არ არის თავნებობა, - ამის შესახებ საქართველოს პრეზიდენტმა სალომე ზურაბიშვილმა ჟურნალისტებს განუცხადა.

მისი თქმით, „ფეიკ ნიუსი“, დეზინფორმაცია და ცილისწამება დღევანდელი საზოგადოების და სოციალური ქსელების ზოგადი პრობლემაა.

„ფეიკ ნიუსზე“, დეზინფორმაციაზე და ცილისწამებაზე არაერთხელ გამიკეთებია აქცენტი. ეს მეც შემეხო და ბევრ სხვასაც. ესეც არის დღევანდელი საზოგადოების და სოციალური ქსელების ზოგადი პრობლემა. ძალიან დასაფიქრებელია, როგორ უნდა ვებრძოლოთ ამ ფაქტებს ისე, რომ ეს არ იყოს ინსტრუმენტი და შეიზღუდოს ზოგადად ინფორმაციის თავისუფლება. მაგრამ ინფორმაციის თავისუფლება არ არის თავნებობა“, - განაცხადა ზურაბიშვილმა.

ცნობისთვის, „ფრიდომ ჰაუსის“ ინტერნეტის თავისუფლების ინდექსის 2019 წლის ანგარიშის თანახმად, საქართველოს ინტერნეტ გარემო შეფასებულია როგორც „თავისუფალი“.

ორგანიზაცია ერთ-ერთ საფრთხედ ასახელებს მთავრობასთან აფილირებული „ტროლების“ და მომხმარებლების გააქტიურებას განსაკუთრებით 2018 წლის საპროტესტო აქციებისა და საპრეზიდენტო არჩევნების დროს. ამავე ანგარიშის თანახმად, ინტერნეტის თავისუფლების ინდექსით, პირველ ადგილს ისლანდია იკავებს. საქართველო რეიტინგში 75 ქულით, მეათე ადგილზეა.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ