ნებისმიერ ქალს, რომელიც შეიძლება იყოს ძალადობის ან დისკრიმინაციის მსხვერპლი, ჩვენ ძლიერ მხარდაჭერას ვუცხადებთ, - ამის შესახებ საქართველოს პარლამენტის თავმჯდომარემ, არჩილ თალაკვაძემ განაცხადა, როდესაც უპასუხა კითხვას, დეპუტატ სოფო კილაძეზე ყოფილი მეუღლის მიერ ფსიქოლოგიური ძალადობის შესახებ გავრცელებულ ინფორმაციას.

მისი თქმით, ქალებზე ძალადობის წინააღმდეგ, პარლამენტი და ხელისუფლება ძალიან კონკრეტულ ნაბიჯებს დგამს.

„ამ ბრძოლაში და რეფორმებშიც სოფო კილაძე თვითონ იყო ჩართული, ამიტომ თუ მას პირად ცხოვრებაში შეექმნა ასეთი სიტუაცია, ის მოიქცა ისე, როგორც ნებისმიერი თანამედროვე ქალი მოიქცეოდა - მიმართა სახელმწიფო ინსტიტუტებს და მიიღო ის მხარდაჭერა, რომელსაც საქართველოს კანონმდებლობა და სახელმწიფო განსაზღვრავს ასეთ შემთხვევაში", - განაცხადა თალაკვაძემ.

რუსეთის საგარეო საქმეთა მინისტრმა, სერგეი ლავროვმა, ზოგიერთ ქვეყანაში რუსი ჟურნალისტებისთვის მუშაობის შეზღუდვა პოლიტიკური ცენზურის მცდელობად შეაფასა.

„რუსული მედიასაშუალებების მიმართ ბევრ ქვეყანაში მტრული დამოკიდებულება აქვთ და არ ენდობიან. მედიის თავისუფლება და ჟურნალისტების უსაფრთხოება რუსეთსა და ეუთო-ს ქვეყნებში ციფრული ეპოქის გამოწვევაა“,-განაცხადა ლავროვმა და აღნიშნა, რომ ლონდონში, მედიის თავისუფლების საკითხებზე გამართულ კონფერენციაზე რუსი ჟურნალისტები არ შეუშვეს.

ლავროვის თქმით, მსგავს ნაბიჯებს გლობალური საინფორმაციო სივრცის ფრაგმენტაციამდე მივყავართ და საფრთხეს უქმნის ნდობისა და ურთიერთგაგების პროცესს.

„მსგავსი კულუარული პროექტები, რომელზეც მხოლოდ თავისიანებს ეპატიჟებიან არღვევს მედიის თავისუფლების უნივერსალურ სტანდარტებს. პირდაპირ რომ ვთქვათ, ეს პოლიტიკური ცენზურის დაწესებაა“, -აცხადებს ლავროვი.

იხილეთ ვიდეო: სერგეი ლავროვი - რუსული მედიასაშუალებების მიმართ ბევრ ქვეყანაში მტრული დამოკიდებულება აქვთ და არ ენდობიან