ბულგარეთის თავდაცვის მინისტრის მოადგილე - შავი ზღვის უსაფრთხოება არ არის იმდენად კარგი, როგორიც ჩვენ გვსურს, რომ იყოს

შავი ზღვის უსაფრთხოება არ არის იმდენად კარგი, როგორიც ჩვენ გვსურს, რომ იყოს, - ამის შესახებ ბულგარეთის თავდაცვის მინისტრის მოადგილემ, ატანას ზაპრიანოვმა ბათუმში განაცხადა, სადაც ის თავდაცვისა და უსაფრთხოების კონფერენციას ესწრება.

მან კონფერენციის შესახებ ისაუბრა და აღნიშნა, რომ შავი ზღვის უსაფრთხოება კონფერენციის მთავარი საკითხია.

როგორც ატანას ზაპრიანოვმა აღნიშნა, შავი ზღვის უსაფრთხოება მნიშვნელოვანია ასევე, ნატო-სთვის და ევროკავშირისთვის.

„თუ შევაფასებთ სიტუაციას, შეგვიძლია ვთქვათ, რომ შავი ზღვის უსაფრთხოება არ არის იმდენად კარგი, როგორიც ჩვენ გვსურს, რომ იყოს. შავი ზღვის უსაფრთხოების გაუარესება რუსეთის ქმედებების შედეგია - საქართველოს ტერიტორიის ოკუპაცია 2008 წელს, ყირიმის უკანონო ანექსია 2014 წელს უკრაინაში. თემა ძალიან მნიშვნელოვანია და კარგი შესაძლებლობა იქნება ქვეყნებისთვის, გამოხატონ თავიანთი პოზიცია", - განაცხადა ზაპეიანოვმა.

ამასთან, მან ისაუბრა საქართველოს საოკუპაციო ხაზთან მიმდინარე მოვლენების შესახებ, ოკუპაციასა და ე.წ. ბორდერიზაციის პროცესზე.

„ბულგარეთის პოლიტიკური მოსაზრება არის, რომ საქართველოს ტერიტორიულ მთლიანობას, დამოუკიდებლობას მხარი უნდა დავუჭიროთ და საქართველოს მთავრობას ყველა შესაძლებლობა უნდა ჰქონდეს, იზრუნოს ადამიანებზე, ვინც ადმინისტრაციული საზღვრის მიღმა არიან. ეს ჩვენი პოლიტიკური მოსაზრებაა", - განაცხადა ბულგარეთის თავდაცვის მინისტრის მოადგილემ.

ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
ქართული პრესის მიმოხილვა 25.05.2020
ნათია თურნავა - ყველა წინაპირობაა, რომ 2021 წელი წარმატებული წელი იყოს
თემურ ჩუბინიძე - ჩვენი მეშახტეები გმირები არიან
უძრავი ქონების პლატფორმა Livo სამშენებლო კომპანიებს უფასო კონსულტაციას გაუწევს
"ავერსი" მომხმარებელს ახალ პროექტს - "სააფთიაქო თაროს" სთავაზობს
„ევრონიუს საქართველო“ საცდელ მაუწყებლობას იწყებს