ანრი ოხანაშვილი ბოკუჩავას - ქალბატონო თინა, თქვენი ოხუნჯობისთვის არ მცალია

„ქალბატონო თინა თქვენი ოხუნჯობისთვის არ მცალია, - ამ სიტყვებით მიმართა იურდიულ საკითხთა კომიტეტის თავმჯდომარე ანრი ოხანაშვილმა დეპუტატ თინა ბოკუჩავას, მას შემდეგ რაც ბოკუჩავა დაინტერესდა კომიტეტის რამდენი წევრი ესწრებოდა სხდომას, სადაც უზენაესი სასამართლოს უვადო მოსამართლეობის კანდიდატს უსმენდნენ.

„პროცედურულად მაინტერესებს, იმიტომ რომ თქვენგან რაღაც ვრცელი მონოლოგი მოვისმინე ოპოზიციის მონაწილეობასთან დაკავშირებით სხდომაზე, აი ამ წუთს რამდენი წევრი ესწრება ამ განხილვას საპარლამენტო უმრავლესობიდან? აქ არ ვსხედვართ იმისთვის, რომ თქვენი დიდაქტიკური საუბრები მოვისმინოთ. ახლა აქ ნული დეპუტატია „ქართული ოცნებიდან“, მესმის, რომ საკონსტიტუციო უმრავლესობა ჩამოგეშალათ, მაგრამ მთლიანად რამდენი დეპუტატია, ან რამდენია კომიტეტზე. ჩვენ სულ შვიდი დეპუტატი ვართ ფრაქციაში, აქედან ერთი თქვენივე სიტყვებით რომ ვთქვათ სახლში ჩააგდო ბიძინა ივანიშვილმა, როცა ფრაქცია პატარაა, დეპუტატებს აქვთ შესაძლებლობა დასვან კითხვა და გავიდნენ. ასე რომ, თქვენი ცინიკური ღიმილი მიუღებელია. თქვენ არ გაქვთ ბერკეტი, რომ საკუთარი უმრავლესობის წევრები სხდომაზე შემოიყვანოთ“, - მიმართა თინა ბოკუჩავამ ანრი ოხანაშვილს. უმრავლესობის წევრმა ბოკუჩავას უპასუხა, რომ სხდომას ის და დეპუტატი რატი იონათამიშვილი ესწრებიან იურდიულ საკითხთა კომიტეტიდან.

„ქალბატონო თინა, აქ არ ვზივარ იმისთვის, რომ თქვენ შეკითხვებს ვუპასუხო. ან გააგრძელეთ ინტერვიუ კანდიდატთან ან დავასრულოთ. თქვენი ოხუნჯობისთვის არ მცალია“,- მიმართა ბოკუჩავას იურდიულ საკითხთა კომიტეტის თავმჯდომარემ.

„ბატონო ანრი, თქვენ გგონიათ ოხუნჯობა ის, რომ პარლამენტის წევრები მხოლოდ თითის დასაჭერად შედიან სხდომაზე და მუშა პროცესში საკუთარ როლს ვერ ხედავენ“, - კითხვაზე კითხვა დაუბრუნა „ნაციონალური მოძრაობის“ წევრმა საპარლამენტო უმრავლესობის წევრს.

ზაზა ფირალიშვილი - არ ჩანს დიდი იდეა, არ ჩანან პოლიტიკური აქტორები, რომლებიც თავისი გადამდები ენთუზიაზმით და ენერგიით „აამოძრავებდნენ“ საზოგადოებას
თორნიკე ჯანაშვილი - “რეფორმერი" პოლიტიკაში მოდის
ქართული პრესის მიმოხილვა 14.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ტერაბანკის ინოვაციური ბოტის საკომუნიკაციო კამპანიამ საერთაშორისო აღიარება მოიპოვა