საბაჟო გამშვებ პუნქტებში „ყაზბეგი” და „ქუთაისის აეროპორტი“, ნარკოტიკული ნივთიერების შემცველი მედიკამენტების საზღვარზე კანონდარღვევით შემოტანის ფაქტები აღკვეთეს.

ფინანსთა სამინისტროს შემოსავლების სამსახურის ინფორმაციით, ფინანსთა სამინისტროს შემოსავლების სამსახურის მებაჟე ოფიცრებმა, ეჭვის საფუძველზე, სხვადასხვა ქვეყნის მოქალაქეების კუთვნილი ბარგისა და სატრასპორტო საშუალების დათვალიერების შედეგად, ფსიქოტროპული ნივთიერების შემცველი მედიკამენტი ,,ფენაზეპამი“ (500 აბი) და ნარკოტიკული ნივთიერების შემცველი მედიკამენტი (58 აბი), 71 გრამი კოკაინი, 113 გრამი ნარკოტიკული საშუალება მეტამფეტამინი და 67.7 გრამი მარიხუანა გამოავლინეს.

მათივე ცნობით, საქმის მასალები, შემდგომი რეაგირების მიზნით, შინაგან საქმეთა სამინისტროს შესაბამის ერთეულებს გადაეცათ.