ეზიდი თემის წარმომადგენლებისათვის ჯამაია შიხადი - ეზიდთათვის განკაცებული ღმერთის, შეიხ ადის ხსოვნის პატივსაცემად, 6-13 ნოემბერს, მომლოცველთა საყოველთაო შეკრების დღეები იწყება.
რელიგიის საკითხთა სახელმწიფო სააგენტოს ინფორმაციით, 7 დღის განმავლობაში ტარდება ყოველდღიური რიტუალები, მეშვიდე დღეს კი, სრულდება რიტუალური ანგელოზთა ცეკვა, რა დროსაც მომლოცველები, მათი რწმენით, სულიერად იწმინდებიან.
„რელიგიის საკითხთა სახელმწიფო სააგენტო დღესასწაულს ულოცავს საქართველოს ეზიდ თემს, წარმატებებსა და კეთილდღეობას უსურვებს მათ“, - აღნიშნულია სააგენტოს მიერ გავრცელებულ ინფორმაციაში.