თურქეთის პრეზიდენტის, რეჯეფ თაიფ ერდოღანის თქმით, თურქეთმა სირიაში „ისლამური სახელმწიფოს“ ტერორისტის, ალ-ბაღდადის ცოლი შეიპყრო. ინფორმაციას თურქული მედია ავრცელებს.

„ჩვენ დავაკავეთ ბაღდადის ცოლი, მაგრამ ამისგან ერთი ამბავი არ შეგვიქმნია. ჩვენ დავაკავეთ მისი და და დის ქმარი სირიაში. ამ მიმართულებით მუშაობას ვაგრძელებთ“,-განაცხადა ერდოღანმა.

ცოტა ხნის წინ, თურქეთის ოფიციალურმა პირებმა აღნიშნეს, რომ თურქეთის უსაფრთხოების ძალებმა ბაღდადის უფროსი და, მისი ქმარი, რძალი და ხუთი შვილი დააკავეს.

შეგახსენებთ, „ისლამური სახელმწიფოს“ ლიდერი, ალ ბაღდადი სირიის იდლიბის პროვინციაში, ამერიკის შეერთებული შტატების მიერ განხორციელებული სპეციალური ოპერაციის დროს მოკლეს.