მოუთმენლად ველი მომავალ ოთხშაბათს, 13 ნოემბერს, პრეზიდენტ ერდოღანთან შეხვედრას, - ამის შესახებ აშშ-ის პრეზიდენტი დონალდ ტრამპი სოციალურ ქსელ „ტვიტერში“ წერს.

ტრამპი თურქ კოლეგასთან გამართულ სატელეფონო საუბარზეც აკეთებს კომენტარს და აცხადებს, რომ მას პრეზიდენტ ერდოღანთან „ძალიან კარგი სატელეფონო საუბარი“ ჰქონდა.

„მან მითხრა, რომ „ისლამური სახელმწიფოს“ ბევრი ის მებრძოლი დაატყვევეს, რომლებიც კონფლიქტის დროს გაიქცნენ, მათ შორის მოკლული ტერორისტის ალ-ბაღდადის ცოლი და და“, - წერს დონალდ ტრამპი.

მისი ინფორმაციით, სატელეფონო საუბრის დროს ბევრ სხვა საკითხზეც ისაუბრეს, მათ შორის, „თურქეთ-სირიის საზღვარზე, ტერორიზმის აღმოფხვრასა და ქურთებთან საომარი მოქმედებების დასრულებაზე“.