აშშ-ის პრეზიდენტმა დონალდ ტრამპმა ლუიზიანაში გამართულ მიტინგზე „დემოკრატები“ „ამერიკული დემოკრატიის“ დამხობის მცდელობაში დაადანაშაულა. პრეზიდენტი ლუიზიანაში „რესპუბლიკელი“ კანდიდატის მხარდასაჭერად ჩავიდა.
„კორუმპირებულმა პოლიტიკოსებმა და თაღლითმა მედიამ დაიწყეს შეურაცხადი, ბოდვითი და ჰიპერ-ფანატიკური იმპიჩმენტი, ჯადოქრებზე ნადირობა“, - განაცხადა ტრამპმა.
შეგახსენებთ, აშშ-ის პრეზიდენტის დონალდ ტრამპის იმპიჩმენტთან დაკავშირებით დაწყებული გამოძიების ფარგლებში პირველი საჯარო მოსმენა მომავალ კვირაში გაიმართება. ამის საფუძველი გახდა 25 ივლისს დონალდ ტრამპისა და უკრაინის პრეზიდენტ ვლადიმირ ზელენსკის შორის გამართული სატელეფონო საუბარი, რომლის დროსაც, ამერიკული მედიის ინფორმაციით, აშშ-ის პრეზიდენტი უკრაინელ კოლეგას მისი პოლიტიკური ოპონენტის - ჯო ბაიდენისა და მისი ვაჟის წინააღმდეგ სისხლის სამართლებრივი დევნის დაწყებას სთხოვდა.