ნინო ლომჯარია ფილმზე „და ჩვენ ვიცეკვეთ“ - თუ ბილეთებს მომაწვდიან, სიამოვნებით წავალ ფილმის ჩვენებაზე

თუ ბილეთებს მომაწვდიან, მე სიამოვნებით წავალ ფილმის ჩვენებაზე, - ასე გამოეხმაურა სახალხო დამცველი ნინო ლომჯარია ქართულ -შვედური ფილმის „და ჩვენ ვიცეკვეთ“ ირგვლივ განვითარებულ მოვლენებს, რომელიც ლომჯარიას თქმით, არის პირდაპირი მუქარა და სცდება გამოხატვის თავისუფლებით დაცულ სფეროს.

„ჩვენ რაც მოვისმინეთ, ეს იყო პირდაპირი მუქარა, რომ მოახდენენ კონკრეტული შენობების, მათი შესასვლელების ბლოკირებას, ჩაშლიან კინოჩვენებას და არ შეუშვებენ იქ ადამიანებს. აღნიშნული ტიპის ქმედება თუ განხორციელდა, ეს არ წარმოადგენს გამოხატვის თავისუფლებით დაცულ სფეროს და სწორედ ამაზე მივანიშნეთ ჩვენ როგორც აქციის მონაწილეებს, ასევე შინაგან საქმეთა სამინისტროს, რომ მიიღონ კანონით გათვალისწინებული ზომები იმისთვის, რომ სხვა პირთა გადაადგილების თავისუფლებას, მათი უფლებების რეალიზაციასა და უსაფრთხოებას არ შეექმნას საფრთხე. მე იმედი მაქვს, რომ პოლიცია იქნება მობილიზებული იმ დღეს და იმედი მაქვს, რომ თავიდან იქნება აცილებული ნებისმიერი გართულება ამ მიმართულებით“, - განაცხადა ნინო ლომჯარიამ.

ნინო ლომჯარიამ თავისი პირადი მოსაზრებაც დააფიქსირა და აღნიშნა, რომ პოზიცია, რომელიც ფილმის ჩვენების ჩაშლას გულისხმობს, შუასაუკუნოვანი აზროვნებაა. ლომჯარიას განმარტებით, ჩვენს ქვეყანაში კონსტიტუციითაა უზრუნველყოფილი შემოქმედების თავისუფლება.

„ვერავინ ვერავის აუკრძალავს ან დაუდგენს, რა ტიპის ფილმი უნდა გადაიღოს, გაუშვას ან ვინ რა ფილმს უყუროს და რა წიგნი წაიკითხოს“, - განაცხადა სახალხო დამცველმა.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს