გიორგი კანდელაკი - საოკუპაციო რეჟიმის მიერ ადამიანების გატაცებაზე „ქართულ ოცნებაში“ ჭმუნავენ, მაგრამ რეზოლუციების წინააღმდეგ „ჯვაროსნულ ლაშქრობას“ იწყებენ

საოკუპაციო რეჟიმის მიერ ადამიანების გატაცებაზე ჩვენი კოლეგები "ქართული ოცნებიდან" ჭმუნავენ, მაგრამ როცა შემოდის პარლამენტში რეზოლუცია, რომ რაიმე დავუპირისპიროთ ამას, „ჯვაროსნულ ლაშქრობას“ იწყებენ ამის წინააღმდეგ, - ამის შესახებ „ევროპული საქართველოს“ წევრმა გიორგი კანდელაკმა ჟურნალისტებთან განაცხადა.

მისივე თქმით, მათ რეზოლუციას, რომელიც რუსეთის მხრიდან მსგავს ნაბიჯებს უპირისპირდება, „ქართულ ოცნებაში“ ქვეყნის ღალატად აფასებენ.

„როცა ასეთი რამ ხდება ცნობილი, ჩვენი კოლეგები „ქართული ოცნებიდან“ შეწუხებულ სახეებს მიიღებენ, ჭმუნავენ და მართლა სწუხან ხოლმე, რომ ასეთი რამ ხდება, მაგრამ მეორე დღეს, როცა შემოდის პარლამენტში რეზოლუცია, თუ რა დავუპირისპიროთ ამას, როგორ ჩავწეროთ ადამიანის უფლებათა დარღვევის ფაქტები ჩვენს ოკუპირებულ ტერიტორიებზე დასავლურ სანქციებში, როგორ მოხდეს ჩვენი ოკუპაციის და ადამიანების გატაცების პრობლემის აქტუალიზაცია უმაღლეს დონეზე, დასავლეთ-რუსეთის პოლიტიკურ დღის წესრიგში, როცა ამაზეა საუბარი, ამას ქვეყნის ღალატად აცხადებენ და „ჯვაროსნულ ლაშქრობას“ იწყებენ ხოლმე იმის წინააღმდეგ, რომ ამ პრობლემას რამე დავუპირისპიროთ“, - განაცხადა გიორგი კანდელაკმა.

ზაზა ფირალიშვილი - უბრალოდ, ივანიშვილს  ვერ წარმოუდგენია, რომ თავადაც ძველი ხელისუფლების მსგავსი შეცდომები მოსდის
ქართული პრესის მიმოხილვა 16.11.2019
ხათუნა ლაგაზიძე -  პარლამენტში მიმდინარე პროცესები იმის ტესტიც არის, თუ რად უღირს თანამედროვე დასავლურ პოლიტიკურ ელიტას საქართველო
ოფისი განახლებულ ჭავჭავაძეზე, ბიზნეს-ცენტრ პიქსელში
საქართველოში მინა-პაკეტის დამზადების ხარისხის კონტროლი ჩატარდა
გამოიძახე ექიმი სახლში - REDMED ინოვაცია ქართულ სამედიცინო სფეროში
#იმოგზაურევისოლთანერთად - საქართველოს დაცულ ტერიტორიებზე მედია-ტური გაიმართა