ლევან დავითაშვილი - ჩამორჩენა გვაქვს მეღვინეობის მხრივ ტრადიციულ რეგიონებში, მათ შორის კახეთთან მიმართებაში

მევენახეობის ხელშემწყობ სასოფლო-სამეურნეო კოოპერატივების მორიგ პროგრამაში გარკვეული მოდიფიკაციები შევიტანეთ, რათა მაღალმთიან რეგიონებში მოსახლეობას მივცეთ საშუალება და სტიმული, რომ მევენახეობა-მეღვინეობის კოოპერატივები ჩამოაყალიბონ და თავიანთი მოყვანილი პროდუქცია გადაამუშაონ, - ამის შესახებ გარემოს დაცვისა და სოფლის მეურნეობის მინისტრმა, ლევან დავითაშვილმა, მთავრობის სხდომის დასრულების შემდეგ განაცხადა.

როგორც მინისტრმა აღნიშნა, დღეის მდგომარეობით, ჩამორჩენა გვაქვს მეღვინეობის მხრივ ტრადიციულ რეგიონებში, როგორიცაა კახეთი, თუმცა, მინისტრი იმედოვნებს, რომ აღნიშნულ პროგრამაში ჩასართავად ბენეფიციართა რიცხვი გაიზრდება.

„დღეს მთავრობის სხდომაზე წარვადგინეთ პროექტი - სასოფლო-სამეურნეო კოოპერატივების მორიგი პროგრამა, რომელიც მიზნად მევენახეობის ხელშეწყობას ითვალისწინებს. ეს პროექტი საქართველოში 2017 წლიდან არსებობს. ჩვენ გარკვეული მოდიფიკაციები შევიტანეთ, რათა მივცეთ საშუალება და სტიმული მაღალმთიან რეგიონებში და ისეთ დასახლებებში, სადაც არც თუ ისე განვითარებულია მევენახეობა, რომ ჩამოაყალიბონ მევენახეობა-მეღვინეობის კოოპერატივები და გადაამუშაონ თავიანთი მოყვანილი პროდუქცია - ყურძენი და აწარმოონ მაღლი ხარისხის ღვინოები. რეგიონებში ვიზიტისას, შეხვედრების დროს, ეს საკითხი აქტიურად ისმოდა ხოლმე. განსაკუთრებით მეღვინეობის ტრადიციულ რეგიონებში, სადაც სამწუხაროდ, დღეს ჩამორჩენა გვაქვს, დავუშვათ კახეთთან მიმართებაში, მაგრამ ამავდროულად, ყოველთვის იყო ტრადიციები ღვინის წარმოების - იმერეთში, რაჭა-ლეჩხუმში, ქართლში და ა.შ. ვფიქრობთ, უფრო მეტ ბენეფიციარს ჩავრთავთ ამ პროგრამაში“, - განაცხადა ლევან დავითაშვილმა.

ალექსანდრე თვალჭრელიძე - ყველაზე უფრო საგულისხმოა, აშშ-ს ახლად დანიშნული ელჩის დუმილი, რაც იმაზე მიუთითებს, რომ ვაშინგტონი ყოყმანობს, რომელ პოლიტიკურ ძალაზე დადოს ფსონი
ქართული პრესის მიმოხილვა 18.02.2020
ხათუნა ბურკაძე - საქართველოს ნატო-ში ინტეგრაციის პროცესი დასაჩქარებელი და ბუქარესტის სამიტის თითქმის 12-წლიანი დაპირებები შესასრულებელია
ირაკლი გურჩიანი - ყოველი დღე განვითარების ახალი შესაძლებლობაა და ამის დასტური „ტოიოტას“ უახლესი მოდელებია
უპრეცედენტო შეთავაზება "სილქნეტისგან" - ახალი აბონენტები ინტერნეტისა და ტელევიზიის მაქსიმალურ პაკეტებს სპეციალურ ფასად გაიაქტიურებენ