ჰააგის სასამართლომ კონგოელ სამხედრო დიქტატორს კაცობრიობის წინააღმდეგ ჩადენილი დანაშაულებებისთვის, 30 წელი მიუსაჯა

ჰააგის სისხლის სამართლის საერთაშორისო სასამართლომ კონგოელ სამხედრო დიქტატორს, რომელსაც „ტერმინატორს“ უწოდებდნენ, 30 წლით თავისუფლების აღკვეთა მიუსაჯა. ბოსკო ნტაგანდას, ბრალი მრავალი დანაშაულისთვის წარედგინა, მათ შორის გაუპატიურებასა და ომის დანაშაულებებისთვის.

აფრიკის ადამიანის უფლებების დაცვის ორგანიზაციის წარმომადგენელი სასამართლოს განაჩენს მიესალმა და განაცხადა, რომ ეს პირდაპირი გზავნილია ადამიანებისთვის, რომ „თუნდაც ერთ დროს ხელშეუხებელი ადამიანები, ერთ დღესაც მართლმსაჯულების წინაშე წარსდგებიან“.

მოსამართლეებმა სასამართლო პროცესზე განაცხადეს, რომ ნტაგანდა დამნაშავედ იქნა ცნობილი „მათ შორის მკვლელობებში, მამაკაცთა და ქალების გაუპატიურებაში, ბავშვების ჯარისკაცებად გამოყენებაში“ და სხვა მრავალ ეპიზოდში. მათივე თქმით, ნტაგანდა ბავშვებს ბრძოლის დროს, ფარად იყენებდა.

ცნობისთვის, ნტაგანდა აჯანყებულთა ჯგუფის სამხედრო შტაბის უფროსის მოადგილე იყო, რომელიც კონგოს გათავისუფლებისთვის იბრძოდა. ბოსკო ნტაგანდა დამნაშავედ იქნა ცნობილი 2002-2003 წლებში კონგოში მომხდარი ეთნიკური კონფლიქტის დროს ჩადენილი კაცობრიობის წინააღმდეგ დანაშაულში.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ