ირაკლი ღარიბაშვილმა საქართველოს თავდაცვისა და უსაფრთხოების კონფერენცია შეაჯამა

საქართველოს თავდაცვისა და უსაფრთხოების რიგით მე-13 კონფერენცია დასრულდა. როგორც „ინტერპრესნიუსს“ თავდაცვის სამინისტროდან აცნობეს, საქართველოს თავდაცვის მინისტრმა ირაკლი ღარიბაშვილმა, ორდღიანი ფორუმის ფარგლებში, საერთაშორისო დღის წესრიგის წინაშე არსებული უსაფრთხოების გამოწვევები და ექსპერტებისა თუ აკადემიური წრეების წარმომადგენლების მნიშვნელოვანი შეფასებები შეაჯამა.

როგორც ირაკლი ღარიბაშვილმა აღნიშნა, კონფერენციამ ხელი შეუწყო ბევრი საინტერესო იდეის გლობალური, რეგიონული და ეროვნული უსაფრთხოების კონტექსტში განხილვას. მისი განაცხადებით, საქართველოს სტრატეგიული მზადყოფნა და თავდაცვითი შესაძლებლობების გაძლიერება აუცილებელია არსებულ გამოწვევებთან ეფექტიანად გამკლავებისთვის.

„უსაფრთხოების არსებულ გამოწვევებთან გამკლავება საგარეო და თავდაცვის პოლიტიკის ერთიანობას მოითხოვს, რომელიც მიმართულია მზადყოფნისკენ, შეკავებისა და მდგრადობისკენ. ამ კუთხით ამერიკის შეერთებული შტატების მთავრობის მუდმივი პოლიტიკური, პრაქტიკული და ფინანსური დახმარება უაღრესად მნიშვნელოვანი და დასაფასებელია. ევროატლანტიკური ინტეგრაცია სტაბილური სოციალური, ეკონომიკური და დემოკრატიული ინსტიტუტების გარდაუვალი განვითარებისთვის მყარ საფუძველს უზრუნველყოფს. ეს არა მხოლოდ განამტკიცებს საქართველოს უსაფრთხოებას, არამედ მთელი შავი ზღვისა და კავკასიის რეგიონში სტაბილურობას შეუწყობს ხელს, რაც ბუნებრივად აძლიერებს ნატოს აღმოსავლეთ ფლანგს“, - განაცხადა საქართველოს თავდაცვის მინისტრმა.

სიტყვით გამოსვლისას ღარიბაშვილა საქართველოს ნატოსთან ურთიერთთავსებადობისა და თანამშრომლობის მექანიზმებზე გაამახვილა ყურადღება და აღნიშნა.

„საქართველომ დაამტკიცა, რომ ნატოს ყველაზე ერთგული, თავსებადი და სანდო პარტნიორი და ასპირანტი ქვეყანაა. საქართველო არამარტო იღებს ღირებულ გამოცდილებას, არამედ თავდაჯერებულად უზიარებს ინსტიტუციურ ცოდნასა და საუკეთესო პრაქტიკას მეზობელ და პარტნიორ ქვეყნებს. საქართველო განაგრძობს ნატოსთან თანამშრომლობის გაღრმავებას ყველა პრაქტიკული ინსტრუმენტის ეფექტიანად გამოყენებით, რაც ზრდის ჩვენს ურთიერთთავსებადობას და ქვეყანას ალიანსში გაწევრიანებისთვის ამზადებს. ეს კი აისახება პრინციპით - მეტი ნატო საქართველოში, რაც პრაქტიკაში, საქართველოში ნატოს გაძლიერებულ ჩართულობასა და აქტივობებში გამოიხატება“, - განაცხადა ღარიბაშვილმა.

ირაკლი ღარიბაშვილმა საქართველოს სტრატეგიულ პარტნიორებთან და მეგობრებთან თავდაცვის სფეროში ინტენსიური თანამშრომლობის პერსპექტივებზეც გაამახვილა ყურადღება და განაცხადა, რომ ამ გზით საქართველო არა მხოლოდ გააძლიერებს საკუთარ უსაფრთხოებას, არამედ გაზრდის ევროატლანტიკური სივრცის უსაფრთხოების საქმეში მის კონტრიბუციას.

„ევროატლანტიკური უსაფრთხოების წინაშე არსებულ გამოწვევებსა და საფრთხეებთან ეფექტიანი გამკლავება ერთობლივი ძალისხმევითა და შეჯერებული შესაძლებლობებით არის შესაძლებელი. მოვუწოდებ ყველას, ვიმოქმედოთ ერთად, ერთიანი უსაფრთხოებისთვის, მშვიდობისა და სტაბილურობისთვის, რაც ჩვენი უსაფრთხო მომავლის საწინდარია“, - ამ სიტყვებით დაასრულა საქართველოს თავდაცვის მინისტრმა გამოსვლა ბათუმში გამართული საქართველოს თავდაცვისა და უსაფრთხოების რიგით მე-13 კონფერენცია.

ხათუნა ლაგაზიძე -  პარლამენტში მიმდინარე პროცესები იმის ტესტიც არის, თუ რად უღირს თანამედროვე დასავლურ პოლიტიკურ ელიტას საქართველო
ქართული პრესის მიმოხილვა 14.11.2019
მაია ბითაძე - ევროპამ 50 წლით გაგვისწრო, მაგრამ ნაბიჯ-ნაბიჯ ჩვენც მივყვებით
Konica Minolta-ს პირველი ოფისი 12 ნოემბერს თბილისში ოფიციალურად გაიხსნა
ტოიოტა ფორტუნერი - თავდაჯერებულობა ნებისმიერ გზაზე, ახლა უკვე დიზელის ძრავით
აგრესიული რეგულაციების გვერდითი მოვლენები სამშენებლო ბაზარზე – ფასების ზრდა
Volvo Art Night - ვოლვო საქართველო გლობალური მიზნების კვალდაკვალ (R)
Trade In! გადაცვალე ძველი ტექნიკა ახალში  - „ელიტ ელექტრონიქსის ახალი წამოწყება“
აღმოსავლეთ ევროპის უნივერსიტეტში საერთაშორისო სამეცნიერო ვორკშოპი - "საშიში ტრანსნაციონალური დანაშაულები და მასთან ბრძოლის ნაციონალური და ინტერნაციონალური სამართლებრივი გზები და საშუალებები” ჩატარდა